چالاکی و ئێشکیگری ئازادی بە ئامانجو ورگێرتەو گۆشەگیری و مسۆگەرکەردەی ئازادی جەستەیی ڕابەرو گەلو کوردی عەبدوڵا ئۆجالان ١٢ ساڵێن جە شارو ستراسبۆرگو فەرەنساینە بەردەواما. فاشیستا تورکی هجومشا کەرد سەرو یاگێ چالاکییەکەی، وەختو هجومەکەینە پۆستەرێ "ئازادی پەی ئۆجالانی" و ڕسمێ  ڕابەرو گەلو کوردی عەبدوڵا ئۆجالانی دڕیێشا.

کۆمیتەو ئامادەکاری چالاکی ئێشکیگری ئازادی، زوڵفو بینگۆل سەبارەت بەهجومەکەی قسێش کەردێ  و ئەرەیاوناش هجوم کەرا واتەنشا: "ئامێنمی هەقە جە برۆکسلی کەرمێ".

بینگۆلە واتش: "ئێمە واچمێ چارەسەرو دیموکراتیکی و ئاشتیانەو پەرسەو کوردی ئیمراڵینە وییەرۆنە، ڕابەرما ئیرادەو ئێمەن  و بێ مسۆگەرکەردەی ئازادییەکەی، چارەسەرو دیموکراتیکی نامومکینا. دەوڵەتو تورکی هەوڵمرۆ جە گرد جەنگێ دژوو کوردا قووڵتەر بۆوە. پێویسا گەلو تورکی خاس بزانۆ ئی جەنگە تەنها دژوو گەلو کوردی نیا، گەلو تورکیش زەرەر مارۆ. بەمەڵامەتوو قووڵبییەیۆ قەیرانەکا گلێرکەو ئابووری ئی جەنگەیە جە دژوو کوردان. ئێمە گەرەکمانە جەنگ دمایش بەنە پێ و مافەکا کوردی دانش بنریۆ پۆرە. ئی هجومە مەتاو جە ڕابەریما و داواکارییەکا چارەسەرو دیموکراتیکی و ئاشتیانەی دوورما وسۆوە. بانگەواز جەنی گەلی وڵاتپارێزناکەیما جە ئەوروپا و دۆستا گەلو کوردی کەرمێ خاوەنداریەتی زیاتەر جە چالاکیەکەیما کەرا".