بنەیانەو زیندانییا بەردەوامێنێ جە چالاکیی "گۆشەگیری دمایی پنە باردێ" بە داواو ئازادیی جەستەیی پەی  ڕابەروو گەلوو کوردی عەبدوڵا ئۆجالانی، چی چوارچوەنە و ئەدەنە و وان چالاکییەکاو "دەنگت بوزە پاڵوو ئازادی" کریا و بنەیانەو زیندانییا داواو ورگێرتەی گۆشەگیری و ئازادیی جەستەییشا پەی ڕابەروو گەلوو کوردی عەبدوڵا ئۆجالانی کەرد. 

ئەدەنە

ئەدەنەنە پارتە سیاسییەکێ و ڕێکوزیا مەدەنییەکێ پەشتگیرییشا جە چالاکی بنەیانەو زیندانییا کەرد، چالاکییەکە مەیدانوو بەشۆجاکینە کریا. 

چالاکییەکەنە پانکارتێ و درووشمەکێ دژوو گۆشەگیری و پەی ئازادیی جەسەیی پەی ڕابەروو گەلوو کوردی عەبدوڵا ئۆجالانی بەرزێ کریێوە، هامسەرۆکوو دەم پارتیی ئەدەنەی، سەیفەدین ئایدەمیر واتش پەی ورگێرتەی گۆشەگیری ٥ حەفتێن چالاکی مکەرا.

مەجلیسوو ئەدایاو ئاشتی ڕەفیقە ئاکیننە داواش کەردە، گۆشەگیری وربگێریۆ و ئازادیی جەستەیی پەی ڕابەروو گەلو کوردی عەبدوڵا ئۆجالانی بێ دی، واتش بۆنەو نەبیەی زانیارییوە دەربارەو ڕابەروو گەلوو کوردی عەبدوڵا ئۆجالانیوە نیگەرانێنێ و واتش: "گۆشەگیری سەروو ڕابەرێتی ورگێردێ، تا ڕۆڵەکێما چیگۆشەگیرییە ڕزگارێ بانێ".

ئەرەیاونایەکە بە چالاکیی نیشتەیرە دماییش ئاما.

وان

 واننە کۆمەڵەو پەشتیوانی و هامکاری جە بنەیانەو زیندانییا و حکومدریایا (توای-دەر) و بنەیانەو زیندانییا گەرەکشابێ وەردەموو ڕێکوستەی ئاکەپەو وانینە ئەرەیاوناێوە بواناوە، بەڵام ڕاشا پنە نەدریا. پەوکای وەردەموو بیناو ڕێکوستەی دەم پارتیینە ڕاو ئاوریشمینە واناشاوە. چالاکییەکەنە پەرلەمانتارێ و هامسەرۆکاو شارەوانیی وانی و نوێنەروو پارت و ڕێکوزیایەکا ئامادێ بێنێ.

جە ڕاوەبەراو ڕێکوستەی دەم پارتی شارەکەنە، شەرەف یەڵدز واتش: "تا گۆشەگیری بۆ، حیچ چێوێ ئاسایی نیا و قەیرانێ تورکیانە دماییشا نمێ. هۆکاری سەرەکیی گردوو قەیرانە یاسایی و سیاسی و کۆمەڵایەتی و ئابوورییەکاو تورکیای، سیاسەتوو گۆشەگیری و بێمافییا".

پەرلەمانتارەو دەم پارتی وانی، گوڵجان کاچمازە واتش گۆشەگیری گردوو زیندانەکانە وەڵا بییەنۆ و تاکە داواو ئەدایا دماییئاردەی سیاسەتوو جەنگین، داواش کەردە، چالاکییەکاو "دەنگیت بوزە پاڵوو ئازادی"ی گەورەتەرێ بکریانێ و واتش: "تا سیاسەتوو گۆشەگیری سەروو بەڕێز عەبدوڵا ئۆجالانی دماییش نێ، ئێمە بیمێ بە دەنگوو زیندانییا و ئەدایا".

ئەرەیاونایەکە بە چالاکیی نیشتەیرەی دماییش ئاما.