چەتێوی داعشی بە تاوانوو کۆکوشکەردەی ئێزدییەکا سزاو قەنارەدایش پەی بڕیاوە
ئەنجوومەنی باڵاو دادوەریی عێراقی وەڵاش کەردۆ، ئارۆ دادگاو تاوانەکاو کەرخی بە تۆمەتوو بەشداریی کۆکوشیی ئێزدییەکانە سزاو قەنارەدایش پەی چەتێوی داعشی بڕیۆ.
ئەنجومەنی باڵاو دادوەریی عێراقی وەڵاش کەردۆ، ئارۆ دادگاو تاوانەکاو کەرخی بە تۆمەتوو ئانەیە چەتێوی داعشی بەشدار بییەن جە کۆکوشکەردەی چندین هاموەڵاتە ئێزدییانە پارێزگاکاو نەینەوا و سەڵاحەدینینە، سزاو قەنارەدایش پەی بڕیانۆ.
هەرپاسە ئاماژە پانەیچە کریان، ئا چەتە وەختوو کوشتەی هاموەڵاتەکانە ڤیدیۆو تاوانەکەىش تۆڕە کۆمەڵایەتییەکانە وەڵا کەردەنۆ.
ئاخرۆ ئەرەیاونایەکەنە ئامان، دادگا بە پاو یاساو ژمارە ١٣و تیرۆروو ساڵەو ٢٠٠٥ سزاو قەنارەدایش پەی ئا چەتەیە بەرکەردێنە.
