قارەمانتەرین، ئازاتەرین، جوانتەرین، ئەنەیاواتەرین، ژیرتەرین و زاناتەرین گەنجاو کوردی نیم سەدەن پەی  ئازادیی گەلوو کوردی وێشا بەخت مکەرانێ. وەڵاتەکەیشا بە ونەو وێشا ئاوی مدارانێ. بەنرختەرین ڕۆڵەکاو گەلی کوردینێ، ڕەسەنتەرین نوێنەرێنێ.

ئەگەر ئێمە گەرەکما نیا وەردەموو ئا گیانبازانە بە شێوێوی تاوانبار بمونمێوە، مشۆم نەک هەر ویرێما بشاوە، هەرپاسە ژیوای ئادیشاپەی وێما بکەرمێ بە پیمانە و بنەمێوە. ئەگەر گەلوو کوردی ڕۆڵەکاش پێسەو ئا  کەسا بە ئەوینوو ژیوای ئازادیوە بەخت مکەرۆ پێسەو پیمانەو ژیوای قەبووڵ نەکەرۆ، تارێخ چەنەش وەش نمەبۆ.

سینان ئابی خەڵکوو ئەلکێ و جە عەشیرەتی وەڵاتپارێزنوو گەوداینە، ساڵەو ١٩٩٧ سلۆپیینە ئامان دنیاوە. عومرێوە فرە کەمەنە، کۆشیای ژیوایش ئشناسا.  ئا زارۆڵە کە کاتۆنە بەرکەوت زوو گەورە بی. جە وەڵێئامایەکاو دەوروبەری یاوانە و ویرۆکەردەی ئانەیە، کە تاکە ڕا کۆشیاین جە کەسایەتیی وێشنە  مەرزناشرە. چەنی گەورەبییەی و زیاتەر یاواینەی بی بە کەسێوی سەرەوردەر.

ماموو سینانی بۆنەو 'هامکاریکەردەی پەکەکە'یوە زیندانەنە بێ. قەوم و کەسوکاریچش کەشۆ بێنێ، مەتییە، لالۆ و وارەزا و برازاش..... یانێ هەر زوو پەکەکە و ڕابەر ئاپۆش ئشناسێ. کێشەو وەڵاتی کە دلێ  بنەیانەی و دەوروبەرکاشنە باس کریێ، چەنی و لاو کێوە چارەسەر مکریۆ؟ ڕابەر ئاپۆ لاو کێوە زیندانەنە ئازاد بکریۆ؟ بەردەوام  گەرەکش بێ ئانەیە  بکەرۆ و بەو ئامانجەوە گەورە بی.

کەش ڕاو ژیوای ئازادینە

حەرج ەزارۆڵەییوە تاو دێ تەوەنا و سەرەمڕ و تووڕەییش دژوو دوژمنی گەورە بی، ورکوێ سەرو زرەپۆشەکاو دوژمنی. چەنی گەورەبییەیش دەوروبەروو وێش ڕێک وزێ دەخست و هامڕایەکاش دەورشنە جەمێ کەرێوە. پێسەو کەشیوی وەردەموو  خیانەتی و کەمتەرخەمیینە مدراوە. جە مەکتەبەکاو سیستمینە ١١ ساڵێ وەناش، هەرگیز نەبی بە کەسێو کە بە دڵوو سیستمی گەورە بۆ.  گردوەخت دڵشنە تووڕەیی هۆقۆسانای و کولتوور و هەڵوێست گەورە کەرێ. وەروو ئانەیە حەر جە پۆلوو هەشتینە مامۆسایەکاش پنە واچێنێ 'تۆ هەرمانێ خۆفناکێ مکەری'.کە سینان گەورە بێ و هەرمانەکێچش گەورێ بێنێ. بەشداریی چا چالاکییانە کەرێ، کە دلێ سیستمینە تاویێنێ بکریا، بە جەستەی گەنجانەشۆ دژوو سەیارە زرەپۆش و قەڵغانەکان مدرێوە. سینان وەڵێ یاوایشنە بە ١٧ ساڵی ٣ جارێ زیندانی کریا. دوژمن ئجێش کە متەرسۆ، بەڵام گرد وەخت قەسەم وەرێ، کە زیاتەر وەفاداروو ئا ڕێ بۆ. دماو ئاخر گیریایش وەعدش دا کە نە گیریۆ و ڕووە بکەرۆ کەشەکاو کوردستانی و دەسوو دوژمنیش پنە نەیاوۆ.  

سینان نەورۆزوو ٢٠١٤ینە سەروو جودییوە تێکەڵ بە ڕیزەکاو گەریلای بی، نامێ جووتکاریش ورەچنیە، گارەنە بەشدارییش پەروەردەی سەرەتایی گەریلاینە کەرد، چون چنەئامابێ ماوێوی کەمنە پلەکاو جەنگەوانیی پەکەکەیش پەسەندێ کەردێ و وەڵێنیازش کەرد کە بلۆنە زاگرۆس. زاگرۆس پەی گەریلای ئا مەیدانەنە کە بەردەوام وێش بوزۆنە وەڵێ. جوتکار کاتۆ بەبێ وچان دەسش بە دژوارتەرین هەرمانێش کەرد و بەسەرکەوتەیی کەردێش. جوتکار کە ساعیبوو جەوهەروو سەرەورداری کاتۆی بێ گرد وەخت دژوو هەلومەرجی هەرە دژواری مدرێوە، بی بە ساعیبوو هەڵوێستێوی بە دیسیپلینی و داواکارییێوە پەی سەرکەوتەی، کە ڕزگاریی ڕابەرایەتییش دەسوو دوژمنیوە پەی وێش کەردەبێ بە ئامانج.

جیلۆنە تاموو ئازادییش کەرد

جوگرافیای ناوازەو جیلۆی بییەی دوژمنی  گردڕوێ وەعدوو هەقۆسانایش یاد وزێوە، پا قەراردارییوە بەشداریی فرە چالاکییا کەرێ، ئی جارە نەک بە تەوەنی، بەڵکوم بە نارنجۆکێ و فیشەکێ وەنەو سەروازە فاشیستاو دەوڵەتوو تورکی دێ.

٥وو حوزەیرانوو ٢٠١٦ینە مەیدانوو مێرگەزارو جیلۆینە گەشمەردە بی. ژیوای گەنجیی جوتکاری بە کۆشیای ئازادییوە پەڕپەڕ بێ، بی بە یۆ جە گەریلاکاو ئازادی کە بە مانادارتەرین شێوە ژیوا. دماو وێش ئاڵاو کوردستانی ئازادییش پەی سەرکەوتەی جیا ئاستە.