چیفتیورهك: پەنەوازا وهزارهتوو داڎی بارهو گۊشهگیریوە ڕۊشنکەرڎەیۊ بڎۊ
سینان چیفتیورهك، پهرلهمانتاروو پارتوو چهپی سهوزی بازنەو وانینە، داواش جه وهزارهتوو داڎوو دهوڵهتوو توركی كەرڎە، بارهو گۊشهگیریوە ڕۊشنکەرڎەیۊ بدۊ.
سینان چیفتیورهك، پهرلهمانتاروو وانوو سه‌ر به پارتوو چهپی سهوزی ئەرەیاوناش، مشۊم دەمودەس گۊشه‌گیریی نایاسایی و ناڕه‌واو سه‌روو ڕابه‌روو گه‌لوو كوردی، عه‌بدوڵڵا ئۊجالانی دماییش پەنە بۍ.
چیفتیورهك جە دواێنە پەی بۊ ئاژانسوو فورات (ANF)ی ئەرەیاوناش، مافێوە یاسایین، كه عه‌بدوڵا ئۊجالان تاوۊ چەمش بە بنه‌یانەی و پارێزنه‌رش گنۊ، وەلۍ ڕاش پەنە مەدریۊ، واتیچش: ئۊجالان گۊشه‌گیر كریان، وەلۍ ده‌وڵه‌ت به پێویسش مەزانۊ چا باره‌وە هیچ ڕۊشن کەرۊوە.
پارله‌مانتاره‌کەو پارتوو چهپی سهوزی واتیچش، چند مانگۍ جارۍ سزاو دیسیپلینی سه‌روو ئۊجالانیرە سه‌پنیۊ، ئانەیچە ناڕه‌وان. واتیچش ئه‌گه‌ر دلۍ گۊشه‌گیرینە گۊشه‌گیری به‌كاربۍ، پەنەوازا ئانە پەی بنەیانەی و پارێزنه‌ره‌كاش ئاشكرا کەرا، وەلۍ ته‌نانه‌ت چا باره‌وه ڕۊشنکەرڎەوەیچ مەدا.
گۊشه‌گیری په‌یوه‌ندییش به ته‌ماموو ڕای گردینێوە هەن
جە جوابوو پرسیارەو "ده‌وڵه‌ت گەرەکشا چێش کەرۊ، چی پا سەروو گۊشهگیریوە منیۊرە؟ چیفتیورهك واتش: ده‌وڵه‌ت ئا گۊشه‌گیرییه پیسە ئامرازێوە پەی وەشکەرڎەی فشاری سه‌روو گلێرگەیۊ به‌كار مارۊ، خاڵەو دووه‌می ئانێنە كه بنه‌یانە و پارێزنه‌را و هه‌رپاسە ڕای گردینی بێبه‌ش کەرۊ، كه گەرەکشانە بارهو فكروو ئۊجالانیوە بزانا. ئه‌گه‌ر سیاسه‌تمه‌دارێوە زیندانی کریۊ، پەنەوازا بتاوۊ چەمداری و شۊنیرەلوای پەی سیاسه‌تی جبەروو زیندانیوە کەرۊ. ئا گۊشه‌گیرییه په‌یوه‌ندییش به ته‌ماموو ڕای گردینێوه هه‌ن.
چیفتیورهك جه‌ختیچش کەرڎۊ، مشۊم دەمودەس ئا گۊشه‌گیرییه ناڕه‌وا بۍ. و پەنەوازا وهزارهتوو داڎی سەبەبوو گوشه‌گیری پەی ڕای گردینی ئاشكرا کەرۊ. مافوو ئۊجالانین بنه‌یانە و پارێزنه‌راش بوینۊ، پەوکای داوا جه وهزارهتوو داڎی کەرمۍ چا بارەوە ڕۊشنکەرڎەیۊ بدۊ.
س.ز
