٣٣ لایەنێ و جمیەرێ سیاسیێ، کۆمەڵایەتیێ و ژەنا دژوو پڕوپاگەندەکاو دەوڵەتی داگیرکەروو تورکی سەبارەت بە ورچنیەیەکاو هەرێمەکاو سەرنیشت و وەرکەوتوو سووریای ئەرەیاوناێوی هامبەششا وەڵا کەردۆ.
٣٣ لایەنێ و جمیەرێ سیاسیێ، کۆمەڵایەتیێ و ژەنا دژوو پڕوپاگەندەکاو دەوڵەتی داگیرکەروو تورکی، واتشا: "ورچنییەی شارەوانییەکا هیچ کاریگەریی نەرێیی سەروو سەروەریی سووریای نمەکەرۆ و نمەبۆ بایسوو هەڕەشا پەی دەوڵەتە هامسایا، ئێمە بە گرد لەونێ ئەزموونوو دیموکراسیی وێما مپارێزنمێ.
جە ئەرەیاونیایەکەنە ئاماژە پانەیە کریان، دەوڵەتی داگیرکەروو تورکی بە تۆمەتێ جیا جیێ هەڕەشێ جە مدرامانوو گەلا و بەگردی سووریای مکەرۆ، ئامانجوو داگیرکەردەی سووریای و یاگەدارکەردەی سیاسەتەکاشا هەرێمەکەنە.
هەرپاسە ئاماژە پانەیچ کریان، چەنی دەسپەنەکەردەی ملەملێیەکا سووریانە، هەڕەشەکاو دەوڵەتی داگیرکەروو تورکی و دەسوستەینەیەکا خاکوو سووریاینە زیاتەرێ بێنێ، سەرەڕاو ئانەیە ئیدارەو وێڕاوەبەری و سووریای بە گردی هیچ هەڕەشێوە نییەنێ دژوو تورکیای، بەڵام دەسوستەینەی دەوڵەتوو تورکییاوان حاسوو داگیرکەردەی یاگێوی وەرفراوانی سەرنیشتوو سووریاینە و بانگەشەو ئانەیە مکەرۆ، کە پڕۆژەو ئیدارەو وێڕاوەبەری پڕۆژێوی جیاوازانەن، بەڵام هیچ بڕگێوی جە بەرنامەکاش هیچ کام چا لایەنانە نییا، کە بەشدارییشا جە ئەرەمەرزنای ئیدارەو وێڕاوەبەریینە کەردەن، بەڵکوم داواو پارێزنایی یۆبییەی سووریای بە ڕاو گفتوگۆو دلێ بییەن، بەڵام دەوڵەتوو تورکی پڕۆژەو پێوەژیوای گەلا بە تورسی سەروو تورکیایوە موینۆ و بەردەواما جە هەڕەشەکاش.
ئاخروو ئەرەیاونیایەکەیەنە: پێسەو ئا پارت و لایەنە سیاسییا، کە ئی ئەرەیاونیایەما ئیمزا کەرەن، جارێوی تەر ئەوەخوایش مکەرمێوە، کە مەبەس جە ورچنیەی و پڕۆژەکاش ئیدارەو وێڕاوەبەری جیاوازیینە سووریا نییا، بەڵکوم جە چوارچوەو پارێزنای یۆبییەی خاکوو سووریاینە هەن.
ئا لایەنێ ئیمزاو ئەرەیاونیای هامبەشەکەیشا کەردەن پێسە:
١-پارتوو یۆبییەی دیموکراتیک (پەیەدە)
٢-پارتوو سەوزوو دیموکراسی
٣-پارتوو ئاشتی دیموکراتوو کوردستانی
٤-پارتوو لیبراڵوو کوردستانی
٥-حزبوو شیوعیی کوردستانی
٦- پارتی دیموکراتوو کوردو سووریای
٧- پارتی دیموکراتوو کوردستان- سووریای
٨- پارتی چەپوو دیموکراتوو کوردا سووریانە
٩- پارتی چەپوو کورداو سووریای
١٠-پارتوو ئایندەو سووریای
١١- – پارتوو فاڕیای دیموکراتوو کوردستانی
١٢-پارتی مۆدێرنوو کوردستانی
١٣-یۆبییەی زەحمەتکێشاو کوردستانی
١٤- دەسەی نیشتیمانیی عەرەبی
١٥-پارتی مۆدێرن و دیموکراتوو سووریای
١٦-پارتی سازمانی دیموکراتوو کورداو سووریای
١٧-پارتوو چەک – سووریای
١٨-پارتی دیموکراتوو ئاشووری
١٩-پارتوو برایەتیی کوردستانی
٢٠- پارتوو ڕۆی دیموکراتی سووریانە
٢١- جمیەروو گلێرگەی دیموکراتیک-تەڤ دەمی
٢٢- کۆنگرەو هەسارەی
٢٣- پارتوو پارێزگارا
٢٤-پارتوو خەباتی دیموکراسی
٢٥-ڕەوتوو دما/ڕۆو کوردستانی
٢٦-پارتی دیموکراتوو کوردستانو-وەرنیشتوو کوردستانی
٢٧- هەیئە تەنسیقی وەتەنی
٢٨-پارتوو یۆبییەی سووریای
٢٩-پارتوو یۆبییەی نەتەوەیی کوردستانی (پ.ک.ن.ک)
٣٠- پارتی دیموکراتوو کوردوو سووریای (پارتی)
٣١-پارتو یۆبییەی دیموکراتو کوردی سووریانە (یەکێتی)
٣٢- باڵی چەپوو شۆڕشی سووریانە
٣٣-پارتوو سورایای
