فیستیڤاڵوو گەنجاو کوردستانی بە بەشداری سەدان گەنجە کوردا وەڵاتاو ئەورووپایوە کریا و ئەوەڵ گەنجێ بە درووشموو "بژیوۆ سەرۆک ئاپۆی" بەرەو سەکۆو فیستیڤاڵەکەی ڕاشا پیما. 

دماو خولەکێو ڕێزگێرتەی وەنەو گەشمەردا، قسێ ئەوەڵوو کۆمیتەو ئامادەکاریی فیستیڤاڵی ونیاوە.

دلێشنە گۆشەگیریی سەروو ڕابەروو گەلوو کوردی عەبدوڵا ئۆجالانی شەرمەزار کریا و داوا وەنەو گەنجا کریا دژوو گۆشەگیری کۆشیای هامبەش بکەرا.

دمایی قسێ تەڤگەروو گەنجە شۆڕشگێڵنا (تەجەشە) و ژەنە گەنجە کۆشەرا (تێکۆژەنێ) ونیاوە، قسەکانە تیشکە وزیا سەروو مدرامانی بێوێنەو گەریلای کەشەکاو کوردستانینە دژوو تەکنیکەکاو دوژمنی فاشیستی.

فیستیڤاڵوو گەنجا  ساڵاو نەوەدەکاوە لە ئەورووپانە مکریۆ، ڕابەروو گەلوو کوردی عەبدوڵا ئۆجالان ساڵەو ١٩٩٨ ڕاو تەلەفۆنیوە بەشداروو فیستیڤاڵی وەرزشی و کولتووریی مەزڵوم دۆغانێش کەرد هۆڵەندانە و قسێش پەی گەنجا کەردێ.

دمایی چند قسێو بە نامێ کۆنگرەو جڤاکی دیموکراتیک (کەجەدەکە-ئە)ی و تەڤگەروو ژەناو کوردوو ئەورووپا (تەژەکە-ئە)یوە و بنەیانەو گەشمەرداوە ونیاوە، دلێشانە تیشکە وزیا سەروو دەور و خەباتوو گەنجا  چوارچوەو هەڵمەتەو "ئازادیی پەی عەبدوڵا ئۆجالانینە، چارەسەری سیاسی پەی پەرسەو کوردینە".

دمایی پەی یوەم جاری سروودە تازەکێ تەجەشەی پێشکەشە کریا، دمایی چند هونەرمەندێو لوێ سەروو سەکۆی و گۆرانیێ شۆڕشگێڵنیێشا  پێشکەشێ کەردێ. ئاخرۆ سینڤزیۆنێو دەربارەو جەنگی تایبەتی و دەوروو گەنجا دژوو جەنگی تایبەتینە نیشانە دریا.

فیستیڤاڵەکە بە چالاکیێ جیاوازێ بەردەوام بی و سەعات ١٨:٠٠ دماییش ئاما.