ناوەندوو ئەرەیاونای و چاپەمەنیی هەپەگەی ئەرەیاوناێوی نویسیانە ئینەش وات: "٢٧و گوڵانوو ٢٠٢٠  هەرێموو نۆردزی لکەدریاو پایزاواو وانینە، جەنگێوی قورس چنی دووژمنی ڕووە مدۆ و دمایی دەرەنجاموو هجوومی عاسمانیینە فەرماندەی ئازیزما هامڕا ڕەشید سەردار گەشمەرڎە بێ."

جە بەرڎەوامیی ئەرەیاونایەکەینە ئامان: " هامراما ڕەشید کە شۆنەرەلوێو حەقیقەتی بێ، باسش کەرڎەبێ کە ماناڎاریی ژیوایش دلێ پەکەکەینە دیوە. تەماموو ژیوای شۆڕشگێڵنینە، پیمانەکاو میلیتانیی ئاپۆییش کەرد بە بنەماش. پەی ئینەیچە بە فکرەکاو ڕابەر ئاپۆی و یاڎکەردویوە هاومڕایا گەشمەرڎەی، پەرەوەرڎەکەرد و وێش قەوەت کەرد. هامڕاما ڕەشید هەستش پانەیە کەرڎەبێ، کە جە وەڵاتێوی داگیرکریانە، وەشکەرڎەی ژیوای ئازاڎ نییا. پەی هیچ وەختێو مەنەیوەی دەوڵەتوو تورکییش کوردستانمانە قبوڵ نەبییەن. هامڕاما تا زارۆڵاو کوردی وەڵاتێوی ئازاڎنە بژیوانێ، وەرپەرسیی کۆشیایش گێرت گەرڎەن و حەرگیزیش نەکێشیاوە جە کۆشیای. بە هۆشیاریی 'ئینە هەرمانەی هەرە پیرۆزەو تاتەیینە' جووڵیێوە. سەروو ئی بنەمێوە هامڕاما ڕەشید بە بێ مدرای و دووەدڵی، کۆشیا و بی بە بە میلیتانێوی ئاپۆیی  پەی گردوو خەڵکی.

ساڵوەگێڵوو گەشمەرڎەبییەیشنە، جارێوی تەر هامڕای ئازیزما میلیتانی ئاپۆیی ڕەشید سەردار بە ڕێزداری و پنەزانایوە یاڎ مکەرمێوە و  ئەوەخوایش مکەرمێوە، کە یاڎوو ژیوایش بکەرمێوە. پی هەستەماوە وەڵێ گرد چێوێوە سەرەوەشیما پەی سەمیرەی کناچە ڕەفێقەو ڕەشیدی، بنەیانەی بەڕێزیشا و گردوو گەلی وەڵاتپارێزنیما مکەرمێ.

زانیارییەکێ دەربارەو ششناسنامەو گەریلای گەشمەرڎەی ئینەنە:  

شناسنامێ: ڕەشید سەردار

نامێ و دمانامێ: موستەفا ئەرتاش

یاگێ پەیڎابییەی: وان

نامێ ئەڎێ و تاتەی: چیچەکە- شەهابەدیین

یاگێ و وەختوو شەهاڎەتی: ٢٧و گوڵانوو ٢٠٢٠/ وان."