هەپەگە: هەمڕێما هێڤی شەڕزانە گەشمەرڎۍ بیە
هەپەگە ئەرەیاۋناش جە مانگۊو کانوونو دووەمینە گەریلا هێڤی شەڕزان کۆچەرە جە ئاکامو ڕووەدایێنە جە هەرێمەکاو پارېزنای مەدیاینە گەشمەرڎۍ بیێنە.
ئەرەیاۋناو گەشمەرڎا
ئەرەیاۋناکەو مېیانو ئەرەیاۋنای و چاپەمەنی هێزەکاو پارېزنای گەلی-هەپەگە پی جۊرەنە:
"٥و کانوونو دووەمو ٢٠٢٥ جە هەرێمەکاو پارېزنای مەدیاینە جە ئاکامو ڕووەدایێنە هەمڕێما هێڤی شەڕزان کۆچەرە گەشمەرڎۍ بیە. هەمڕا هێڤیە گرڎو بیەی ۋێش پێشکەش بە ئەوەکۊشای ئازادی گەلەکەیما کەرڎ و چی ڕێنە بیە بە خاوەنو بەشداریۍ فیدایانەی بێ دووەدڵی. گەشمەرڎەبیەو ئی هەمڕێما ئێشش یاۋنا بە زێڵێما. هەمڕا هێڤیە جە تەمامو ژیۋای ۋێشەنە بە تەمامی پەی مەرامی پیرۆزی و هەستی زەریفی ئەوەکۊشێنە. قەول مڎەیمۍ مەرام و ئاواتەکا هەمڕێما بارمێنە دی.
هەمڕا هێڤیە پېسە ئەندامەو بنەیانێوە کۆچەری گرڎ کاتێ ۋێش بە موڵکو کەشەکا زانان. ئی کەشێشە فاڕۍ پەی یاگۍ ژیۋای ئازادی و گرڎ کاتێ حەیرانەو گەریلای بۍ. پۊکەی ئا ڕووەی کە ئاما پەی کەشەکا بە بێ دووە دڵی و بە جۆشێوە گۊرۆ ئاما دلۍ ژیۋای کەشەکاوە. تایبەتمەندییە سروشتی، سادەی و کۆچەرییەکەش چنی فەلسەفەو ڕابەر ئاپۆی تێکەڵ کەرد و جە کەسایەتی ۋێشەنە وەڵێکۊتەیۍ تاریخیش بنیاڎ نیا. مەرامەکۍ هەمڕێما مەرامۍ پێکئاوردەی پیمەرەکا ژیوای ئازادی پارتو پەکەکە – پاژکیما جە کەسایەتی ۋێشەنە برمانۆ و بۆ بە خاوەنو ژیۋایۍ ئازادی. چی ڕوانگۆ بە ڕەنج، هەوڵدای و بەشدرابیەی ۋێشۆ بە دڵسۆزانە بیە بە میلیتانێوە نموونەییەو ئاپۆیی. هەمڕا هێڤیە بە بەشداربیەیش زنجیرو کۆیلەکەردەی ژەنا کوردیش پڕچنا و جە ئاستی نەتەوەیینە بیە بە جەنگەوانەو ئازادی.
ئشناسنامەو هەمڕا گەشمەرڎەکېما پی جۆرەنە:
ناسنامۍ / هێڤی شەڕزان کۆچەر
نامۍ و دما نامۍ / شیلان چەتین‌کایە
شۊنەماو جە ئەڎابیەی / ئێلح
نامۍ ئەڎۍ و نامۍ تاتەی / لەیلا – محمەد خەلیل
شۊنەماو کاتو گەشمەرڎەبیەی / ٥و کانوونو دووەمو ٢٠٢٥ / هەرێمەکاو پارېزنای مەدیا."ی
