هەپەگە ئامارەو جەنگەکا مانگەو ئایاریش ئاشکرا کەردە. گەریلاکۍ ٨٢ چالاکیێشا کەردۍ، ٤٣ ئەرەگیرێشا سزادێنۍ. درۆنێوە هجوومکەر وزیانەرە، میقدارۍ فرە کەلوپەلی سەروازی دلېنەبریێنۍ. ئەرەگیرەکېچ ٢٨٦ جارۍ بە چەکی کیمېیاویی، ٣٧ جارۍ بە تەقەمەنی قەڎەغە هجوومشا کەردەن.
ناوەندوو ئەرەیاۋنای و چاپەمەنی هەپەگەی جە ئەرەیاۋنێوەنە ئاشکراش کەرد:
"دەوڵەتوو تورکی کۆلۆنیالیستی ئامانجشا کە گەریلاکاو ئازاڎیی کوردسانی کە گەرنتی ئاینڎەو ئازاڎیی گەلەکەیمانۍ، پاکتاو بکەرۆ و هجوومە قڕکارییەکاش بیاونۆ ئەنجام. جە دژوو گرڎوو هجوومەکا کۊشیایما بە رۆحی گیانبازی ئاپۆیی ۋێڕاگری مکەرۆ، بیەو گەلەکەیما پارێزنۆ و هیواو ئاینڎەی ئازاڎیی بە زینڎەیی ڕاگێرۆ، جە مانگەو ئایارینە کە مانگەو گەشمەرڎانە درێژە بە مدرامانوو ۋێش مڎۆ و جوابی پێویس بە خائینا و داردەسەکا مڎۊوە. هێزەکېما کە دژوو گرڎوو هجوومەکا جەستەشا مکەرا بە قەڵغان و جەنگ مکەرا، هەر یووەسێوە جە خاکوو کوردسانی بە ئیرادێوە گەورۆ پارێزنا.
ئئەرەگیرەکۍ ٢٨٦ جارۍ چەکی کیمیاویی، ٣٧ جارۍ تەقەمەنی قەڎەغەشا بەکار ئاورد
سوپاو تورکی ئەرەگیری و تاوانبارو جەنگی کە مەتاوۆ ۋەرا ۋەر بە مدرامانی تاریخی هێزەکاما هەنگامە بەرەو وەڵۍ بنیۆ، جارێوەتەر یاسا میان نەتەوەییەکا جەنگیش پاشێل کەردۆ و جە دژوو مەڕەکاما ٢٨٦ جارۍ چەکی کیمیاویی و ٣٧ جارێچ تەقەمەنی قەڎەغەش بەکارئارڎەن. جگە چانەی سەنگەرە جەنگیەکۍ ئێمە جە هەرێمەکا پارێزنای مەدیاینە ٢٤٥ جارۍ بە فڕۆکەی جەنگی، ٤٣ جارۍ بە هەلیکۆپتەری هجوومکەر و بەهەزاران کەرەتێچ بە هاوەنۍ، کاتیوشا، تانک و چەکی قورس بۆردومان کریێنۍ.
٨٢ چالاکیۍ کریێنۍ، ٤٣ ئەرەگیرۍ سزادریێنۍ
گەریلاکۍ ئازاڎیی کوردسانی خەتەو مدرامانوو گەشمەرڎا مانگەو ئایاریشا بە شێوێوە بەقوەت بە کرداریە کەردە و جە هەرێمەکاو پارېزنای مەدیاینە تا سەرنیشتوو کوردسانی پەی رزگارکەردەی هەر یووەسێوە جە خاکوو کوردسانی ئیراڎێوە بێهامتاشا نیشانەدا و سەرەڕاو هەلومەرجی هەرە دژواری بە شێوێوە بێ دوودڵی لووۍ سەرو ئەرەگیرا و چالاکی کاریگەرشا کەرد. گەریلاکاو ئازاڎیی کوردسانی جە دژوو گرڎوو هجوومەکا ڕاشا بە ئەرەگیری و ئەرەگیرا نەڎا و بە گیانوو مدرامانی و سەرکەوتەی گەشمەرڎا مانگەو ئایاریما کۊشیای ۋێشا بە شێوێوە کاریگەر بەردڕاوە. هێزەکېما چی مانگێنە؛ بە گرڎیی ٨٢ چالاکیێشا کەردۍ، گورزەشا جە ئەرەگیرا شانا. جە ئاکاموو ئا چالاکیانە ٤٣ ئەرەگیرێشا سزادۍ و ٤ ئەرەگیرێچ زامڎارۍ بیۍ.
یۆ شۊنەو یۆیرە درۆنۍ هجوومکەرۍ (سیها)ی وزیارە واری
گەریلاکۍ ئازاڎیی کوردسانی قۆناغەو وەڵێوستەی باڵادەسی تەکنەلۆجیایی و تاکتیکیشا جە مانگەو ئایاریچەنە بەردە وەڵێوە و ڕۊو ٢٧و ئایاری جە ئاسمانوو قەندیلینە درۆنێوە سیها جە جۆروو ئاکسونگوری کە سەر بە سوپاو تورکی ئەرەگیری بۍ وزیارە وار. ئا درۆنە هجومکەرۍ سوپاو تورکی ئەرەگیری و میدیاو جەنگی تایبەتیش بە پرۆپاگەندەی گەورە باسش مکەرا، جە ئاسمانوو کوردسانینە یۆ شۊنەو یۆیرە وزیارە واری. سوپاو تورکی ئەرەگیری و میدیای جەنگی تایبەتی چەمێشا رووەو ئا حەقەتینەیرە قوجنێنۍ و بە حیچ جۆرێ دڎانش مەنیا پۆرە. دیمەنەکاو وستەیرە واروو ئا درۆنا کە جە گۆشەی جیاجیاوە تۆمارۍ کریێنۍ، پەی رای گرڎیی وەڵۍ کریێنۍ. گەریلۍ ئازاڎیی کوردسانی پېسە هێزی سەرمەشق و جەنگوو گەلی شۆڕشگێڵنی پەی ئانەی ۋەرپرسیایریە تاریخیەکاش بە شێوۍ عال بە یاگۍ بیاونۆ، سڵ جە قوربانیدای مەکەرۊوە. گەریلاکاو ئازاڎیی کوردسانی کە میراتوو کۊشیای گەشمەرڎاشا بە نۆرە هۊرگێرتەن و پەرەشا پنەدان، بە دڵنیاییوە میاوناش بە ئامانجوو ۋێشا کە بریتیا جە 'رابەرایەتی ئازاڎی، کوردسانی ئازاڎیی'.
ئامارەو جەنگی و کۊشیای جە مانگەو ئایارینە بە ۋەرفراوانی پی جۆرەنە:
هجوومەکۍ سوپاو تورکی
هجووم بە فرۆکەی جەنگی: ٢٤٥
هجووم بە هەلیکۆپتەری هجوومکەر: ٤٣
هجووم بە تەقەمەنی قەڎەغەکریای: ٣٧
هجووم بە درۆنی بەبۊمچنیای: ٦١
هجووم بە چەکی کیمیاویی: ٢٨٦
چالاکیەکاو گەریلای
کۆی گرڎیی چالاکیەکا گەریلای: ٨٢ جارۍ
زەرەرە گیانیەکۍ دوژمنی
ژمارەەو ئا ئەرەگیرا سزادریێنۍ: ٤٣ئەرەگیرۍ
ژمارەەو ئا ئەرەگیرا کە زامڎارۍ بیێنۍ: ٤ئەرەگیرۍ
ئانۍ کە دلېنەبریێنۍ
درۆنی ئاکسونگور: ١
سیستموو راداری: ١
کامێرەی چەمڎاری: ١٠
حەفارە: ٣
درۆن: ١
کۆنتینەر: ١
خەیمۍ: ٦
فۆتۆکاپان: ٧
سەنگەر: ٢
ئانۍ گورزەشا دریێنە ۋنە
هەلیکۆپتەر: ١
حەفارە:٢
سەنگەر: ٥
کامێرای چەمڎاری: ١
