دلینەو یاۋنەری و چاپەمەنی سەر بەهێزەکانو پارێزناو گەلی (هەپەگە/ HPG)، سەبارەت بە چالاکیۍٚ و مدرامانو گەریلاکانو (هەپەگە/ HPG)ی و ژەنە گەریلاکۍٚ سەر بە یەکینەکۍٚ ژەنۍٚ ئازادۍٚ (یەژاستا/ YJAS-TAR)ی و ڕووبەڕووبیەیشان چەنی دوژمنی ئەرەگێری  تورکی جە ٣ ڕۊۍٚ ۋیەردێنە، چەنڎین ئەرەیاونایۍٚ لەشکریێش دێنۍٚ و هەپەگە جە میانشانە ئاشکراش کەردەن: جە هەرێمەکۍٚ (زاپ، مەتینا، ئاڤاشن و خوارکورک)و سەر بەم هەرێمەکانو پارێزناو مەدیای، جە چوارچوەو هەڵمەتو ١و حوزەیران-ی کە ١٨مین ساڵیادش نزیکەن، هەڵمەتو شۆڕشگێڵی شەهید ساڤاش مەرەش-ی، هەڵمەتو شۆڕشگێڵی هەڵۆکانو زاگرۆس-ی، هەڵمەتو شۆڕشگێڵی جەنگو خابور-یەنە، گورزۍٚ قورسێشان جە هێزە ئەرەگێرەکۍٚ سوپاو تورکی دێنێوە. دوژمن کە جە زەمین و ئاسمانەوە بە وڵکەوتە'تەرین چەکۍٚ و باڵەپڕۍٚ و هەلیکۆپتەرۍٚ (چەرخباڵۍٚ) جەنگیۍٚ، تەکنەلۆژیای سەردەمیانە و چەکی قەدەغەی  کیمیایی و ڕۆکێتۍٚ و تۆپخانۍٚ  و هاوەنۍٚ، سەتان یورشێش ئەنجامۍٚ دێنۍٚ، جە ئامانجش نەپێکان بەڵکو ڕووبەڕوو شکست و تێکشیەی گەورەی لەشکری بیینەوە.
بە پاو هەپەگە-ی، جە ٢٩، ٣٠ و ٣١و مانگەو ۵ یەنە، دوژمن زیانی گیانیی  فرەش دان، بە جۆرۍٚ ١٢٢ سەربازۍٚ و پلەدارۍٚ سوپاو تورکی سزۍٚ دریێنۍٚ و دەانی تەرۍٚ زامدارۍٚ بیێنۍٚ. هامزەمان ١ هەلیکۆپەر ۋزیانەرە و گورز جە چەنڎین هەلیکۆپەران دریان. هاموەخت چەنڎین کامێرایۍٚ جۆراوجۆرۍٚ چەمداری و ماشینۍٚ و  تفاقۍٚتەرۍٚ لەشکریۍٚ دلێنەبریێنۍٚ و دەیان سەنگەرۍٚ و سیپۍٚ خاپورۍٚ کریێنۍٚ.