جە کرماشان بە ڤییەرێ هامۆشیێ ۲۲۹ کەسێ گیانشان ئەسپاردەن
جە پارێزگاو کرماشانی جە ۹ مانگێنە بە ڤییەرێ هامۆشیێ ۲۲۹ کەسێ گیانشان ئەسپاردەن و ۳ هەزارێ و ۱۱ کەسێ تەرێ بریندارێ بیێنێ.
جە پارێزگاو کرماشانی جە ۹ مانگێنە بە ڤییەرێ هامۆشیێ ۲۲۹ کەسێ گیانشان ئەسپاردەن و ۳ هەزارێ و ۱۱ کەسێ تەرێ بریندارێ بیێنێ.
جە ئێران و وەراسانو کوردستانی، بەهۆکارێ جۆراوجۆرێ چوون، (خراپی ڕای و جادە و بانی، وەرچەمنەگێرتەی ڕانمونی هامۆشیێ، خێرایی ونەخۆڕای و وتەی و مانیای شۆفێرەکان) ساڵانە جە ڕێ و جادە و بانەکانە هەزاران ڕاویەرێ مەبانێ قوربانیێ و پارێزگاکێ وەراسانو کوردستانی بە تایبەتی کرماشان بەشەو شێریشان جە ڤییەرەکێ هامۆشیێ و قوربانییەکان وەرمەگنۆنە.
جە ئی بارەوە هەرمانگەو پۆلیسو هامۆشیێ جە پارێزگاو کرماشانی ئاماری نۊش سەبارەت بە ڤییەرەکێ (ڕوودایێ) هامۆشیێ جە پارێزگاکەشانە دان و جە میانشەنە ڤییەر و قوربانیەکێ هامۆشیێ بە ئی جۆرە ئاشکرێ کریێنێ:
- جە ۹ مانگێنە ۲۰۳ ڤییەرێ هامۆشیێ ڕووەشان دێنێ کە جە ئاکامشانە ۲۲۹ کەسێ گیانشان ئەسپاردەن.
- هاموەخت یەک هەزار و ۹۷۲ ڕوودایێ هامۆشیێ تەرێنە ۳ هەزارێ و ۱۱ کەسێ بریندارێ بیێنێ.
قوربانیەکێ هامۆشیێ سەدەنە (۵۷.۵)شان تەمەنشان ۲۱ تا ۵۰ ساڵانێنێ.
فرەتەرین ڤییەرەکێ هامۆشیێ جە ڕاو کرماشان- ئیسلام ئابادی ڕووەشان دێنێ و جە ئا گوزەرەنە ۲۴ کەسێ گیانشان ئەسپاردەن.
هەرپاسە جە دمای گوزەرو کرماشان- ئیسلام ئابادی، ڕاکێ کرماشان– سەحنەی، ڕەوانسەر – کرماشانی کە ڕای سەرەکییەو بەشێ جە هەرێمو هەورامان-یەنە، تەرسناکتەرین ڕێنێ کە بە ڤییەرێ هامۆشیێ ۲۵ کەسێ گیانشان جەدەستدان.