جەمێ جە خەڵکو هەورامانی داواشان جە لایەنە پەیوەندیدارەکانو حکومەتو ئێرانی کەرد: مۆڵەت بە بەهرەبەردای درەختو ۋەنۍٚ بڎانۍٚ، چونکە ۋەنی سەرچەمەی دارایی و ماڵی بەشێ جە مەردمو شارستانەکانو (پاوە، ڕەوانسەر، جوانڕۆ و سەلاسو باباجانی)ن.
جە یاداشتنامێوەنە کە ئیمزێ جەمێ جە خەڵکو هەوراماناتیش ئینا سەرەوە، داوا جە لایەنە پەیوەندیدارە مەحەلییەکانو شارستانەکانو (پاوە، ڕەوانسەر، جوانڕۆ و سەلاسو باباجانی)ن سەر بە هەرێمو هەوراماناتی و حکومەتو ناوەندی ئێرانی کریان تا مۆڵەت بە بەهرەبەردای درەختو ۋەنۍٚ بڎانۍٚ، چونکە ۋەنێ سەرچەمەی دارایی و ماڵی بەشێ جە مەردمو شارستانانە.
یاداشتەکە جە دمای ئانەی دریان کە کاربەدەستۍ حکومەتو ئێرانی جە هەرێمەکەنە گەشدای و بەهرەبەداری جە درەختو ۋەنێشان قەدەغەکەردەن و ئانەیچە ناڕەزایەتی خەڵکیش ۋنەکەوتەنەوە.
جە یاداشتنامەکەنە باس جە ئانەی کریان: جە بارودۆخێنە کە خەڵکی زیندەگیش سەخت بییەن و کۆڵبەری جە هەرێمەکەنە قەدەغە کریان و مەردوم سەرچەمەی دارایی وماڵیش نییەن، قەدەغەکەردەی بەهرەبەرداری جە دار ۋەنۍٚ زیان بە بەشێ جە خەڵکی مڎۆنە و پنەوازەن قەدەغەکە هۆربگێریۆنە و دەسەڵاتدارۍٚ درک بە گوزەران سەختی هاموڵاتیان بکەرانۍٚ.
