جەنگاوەرا هەبەدەهەی شڕناخنە ترۊمبېلېوە زرێپۆششا کەرڎ ئامانج
جەنگاوەرا جەرەن گونەشوو هەبەدەهەی ئەرەیاۋناشا، کە پېسە جوابېوە پۍ هجومەکا دەوڵەتوو تورکی ئەرەگیری پۍ سەروو ۋەرنیشتی ئاڎۍ شڕناخەنە دژوو ترۊمبېلېوە زرێپۆشی چالاکیشا کەرڎ.
جەنگاوەرا جەرەن گونەشوو هەبەدەهەی جە ئەرەیاۋنېوەنە ئاماژەشا پانەی کەرڎ کە "دەوڵەتوو فاشیستی بەمەبەسوو سەرکوتکەرڎەی ئاخېزوو ۋەرنیشتی گرڎ دەرفەتێوە قۊزۊوە و جە ۋەرنیشت بێ مردای هجومی تیرۆریستی ئەنجام مڎۊ".
جە درێژەو ئەرەیاۋناکەینە ئامان: "ئێمە پېسە جەنگاوەرا جەرەن گونەشوو هەبەدەهەی جە شڕناخ وېرەگاو ڕۊدیاروو ١و تشرینو دووەمی جە دوژمنامادا. دژوو ترۊمبېلېوە زرێپۆشی جە گەڕەکەی تازۍ، جاڎەو ٨ ی بە مۆلۆتۆف و نارنجۆکە چالاکیما ئەنجامدا".
جە ئەرەیاۋناکەنە ئامان، "دماو چالاکیەکەیما پۆلیسەکۍ جە تەماموو گەڕەکەکېنە ڕاو جای نائاساییشا پەیڕەو کەرڎ، بە درێژایی شەوەکۍ بە تەرسیۊ حەرەسی گېرېنۍ. جەنگاوەرەکېما بە شێوېوە پارێزیا و بەسلامەتی مېڎانەکەشا جیائاست".
