ئەحمەد کاراموس، هامسەرۆکو کەنەکەی، پەشتیوانی جە بانگەوازییەکەو ڕابەر ئاپۆی چێرو نامێ "ئاشتی و گلێرگەی دیموکراتیکی"کەرد و چا بارۆ چنی ئاژانسو هەواڵو فوراتی (ANF) قسێش کەردێ و ئەرەیاوناشا: "ئامانجی سەرەکی ئی بانگەوازییە، دابینکەردەو داواکارییە سیاسییەکا جمیەرەو کوردین، دانیاین بە شوناسە جیاوازەکارە، هەرپاسە وەرفراوانکەردەو دەرفەتەکا ئازادی و فاڕیاو دیموکراتیکی، مافو یەکسانی و دادپەروەرانەن جە چوارچێوە یاساییەکانە.

ئەحمەد کاراموس ئاماژەش پانەیە کەرد، پەی ئانەی تورکیا ئی پرۆسەیە سەرو بنەمێوە یاسایی و دیموکراتیک دەسپنەکەرۆنە، پەنەوازا هەنگامەی پەنەوازە بنییەیمێ، تورکیا مشۆم دان بە مافەکا گەلوو کوردیرە بنیۆ، پێسەو مافو کولتووری و شناسنامە و مەرجی یاسایی و کۆمەڵایەتی پەی ڕەخسننۆنە، ئی هەنگامێ نەک تەنیا پەی گەلوو کوردی، بەڵکووم پەی گرڏو گەلا تورکیای دەرفەتێوە بۆنە پەی پێوەرە ژیوای سەرو بنەماو یەکسانی و دیموکراسی."

کاراموس ئاماژەش پانەیەدا کە ئی بانگەوازییە نەک تەنها پەی تورکیای بەڵکووم پەی گرڏو گەلوو کوردی جە ناوچەکەنە گرنگی وێس بۆنە، هەرپاسە ئەرەیاوناش کە پەی سەر وستەو ئی پرۆسەیە پەنەوازا حکومەت و گلێرگەی مییاننەتەوەیی بە ڕۆشنی ئەرک و وەرپرسیارەتی وێشا جابەجێ بکەرا و واتش، مافو شناسنامەی، زوان، کلتوور و داواکارییەکێ سەبارەت بە یاگێ ناوچەو کوردا ڕاستەوخۆ پەیوەس بە دیموکراتیزەکەردەو تورکیای و فاڕییای یاسایی. پۆکەی پەنەوازا ئی پرسە جەلە پێوەندی چنی پرۆسەو دیموکراتیزەکەردەو تورکیا و دانیا بۆرەی بە مافەکا گەلوو کوردی سەرو بنەماو یەکسانی و پێوەرە ژیوای چارەسەر کریۆنە."

تەڤگەرو کورد هەرچیش گنۆنە ئەستۆ جابەجێش مکەرۆ

کاراموس ئاماژەش پانەیەدا تەڤگەرو سیاسی کوردی جە گرڏو بەشەکانە پەشتگیری داواکارییەکەی مکەرا  و واتش: "ئی پڕۆسە تەنیا پەیوەس بە سەرنیشتوو کوردەسانی نییا. کاریگەری جە پانیشتی، وەرنیشتی و وەرکەوتی مکەرۆ. مشۆم تەڤگەرو کوردی جە دەورو چارەسەری گلێربۆوە و بە شێوێ بە هێزتەر بەشداری وەڵکەوتەو پڕۆسەکەی بکەرا. بە تایبەت گەرەکمانە پارتە سیاسیەکێما و گرڏو و چین و توێژەکا گلێرگەی خاوەندارێتی جە پڕۆسەکەی بکەرا. با کەس بێ هیوا نەبۆنە. مشۆم بە مۆڕاڵێوە گۆرە خاوەندارێتی جە پڕۆسەکەی بکەرمێ.

هەڵوێسو یۆبییەو ئەوروپای و ئەکتەرە مییاننەتەوەییەکا

کاراموس هەڵوێسو یۆبییەو ئەوروپایش سەبارەت پی بابەتەیە هورسەنگنا و واتش: "یۆبییەو ئەوروپای ئەرەیاونێوە فەرمیش نەڏان، بەڵام چنین ئەندامێ یۆبییەو ئەوروپای ئاماژەشا پانەیەدا کە پەشتگیری ئی پڕۆسەیە کەرانە. پەی ئانەی تورکیا پرسەکا بە شێوێوە دیموکراتیک چارەسەر بکەرۆ، پەشتگیری گلێرگەو مییاننەتەوەیی فرە گرنگا. پەی ئانەی پڕۆسەکە فاڕیۆنە سەرو زەمینێوە یاسایی و دیموکراتیکی، میکانیزمەکێ فشاری کارکتەرا مییاننەتەوەیی فرە گرنگا کە تاوۆنە ڕاکێ بکەرۆوە".

کاراموس ئاماژەش پانەیەدا مشۆم ئەرەمەرزییەکا یۆبییەو ئەوروپای و نەتەوەیۆگێرتەکا فشاری پەنەواز جە تورکیای بکەرا و واتش: "ئینە تەنیا بابەتو دلینەو تورکیای نییا، فارییاو بابەتی گەردونییا. جە چوارچێوەو یاسایی مییاننەتەوەیینە، پەی دان نییا پۆرە بە مافو کوردی مشۆم هەنگامێ پەنەوازێ نریانە".

مشۆم پەیوەس بە دیموکراسی و یاسا هەنگامە نریۆنە

کاراموس ئاماژەش پانەیە کەرد مشۆم تورکیا جە بابەتو پرسو کوردینە فاڕییای دیموکراتیک جابەجێ کەرۆنە و ئاماژەش پانەیە کەرد، مشۆم پەرلەمان سەبارەت بە دان نیا پۆرە بە مافو گەلوو کوردی و دیموکراتیکبییەو گلێرگەی ڕیفۆرم بکەرۆ و واتش: "ئی پڕۆسە تەنیا پەی گەلوو تورکیای نییا، پەی گرڏو گەلا ناوچەکەی ئیسفادەش بۆنە، تاوۆنە پڕۆسەکە بەرەو مۆدێل و ئاشتیی وێڕاوەبەری بەرۆنە".