ئەرەیاونیای نویسیاو کەجەدەکە-ئە و پەیەدەو ئەورووپای ئاماژە پانەیە مکەرۆ، سەروەختوو ئامادەکارییەکانە پەی ورچنیەی لە سەرنیشت و وەرکەوتوو سوریای هجوومەکاو کۆکوشییشا پەی سەروو گەلی بێدەسەڵاتی زیاتەرێ بانێ، ئەوەخوایش مکەرۆوە ئامانج هجوومەکانە دلێنەبەردەی ئیرادەو گەلی و دەسکەوتەکاو شۆڕشی و هەوڵێوا پەی ڕاگێری جە ورچنیەی تا دیموکراسی نەچەسپیۆ.

ئەرەیاونایەکە ئاماژە بە هجوومەکەو دەوڵەتی ئەرەگیرکەروو تورکی مکەرۆ ڕاو فڕۆکەی بێفڕۆکەوانیوە، کە ٤ جەنگەوانێ گەشمەردێ بیێنێ و ١١ سڤیلێ بریندارێ بیێنێ و ماچۆ: "ئەردۆگانی دیکتاتۆر واتەنش ڕا نمەدۆ ورچنیەیی ١١و حوزەیرانی بکریۆ و حەرچی جەدەسشا بێ مکەرانێش. ئەردۆگان چەتە دڕندەکاش پێسەو داعشی زەڕدارێ مکەرۆ، چەک و واردەی و گرد هامکارییێوەشا مکەرۆ. ئی واتەی و داوێ بێئاکامێ مبانێ".

ئەریاونایەکەی ئەوەخوایش مکەرۆەوە هەرمانەی سەرەکییەو گرد لاێوە پەشتگیریین جە ئیدارەی وێڕاوەبەروو سەرنیشت و وەرکەوتوو سوریای و ماچۆ: "داوا وەنەو گەلوو کوردوو ئەرەنیشتەو ئەورووپای مکەرمێ، دژوو ئی هجوومە تیرۆریستییاو دەوڵەتوو تورکی پەشتگیری وەنەو گەلاو سەرنیشت و وەرکەوتوو سوریای بکەرانێ، حەرپاسە ڕوەی ونوەرەو دیکتاتۆر ئەردۆگانی  گرد یاگێوەنە ورماڵا. با بە چالاکی و ناڕەزایەتی هەڵوێستی دیموکراتیکما زیاتەر بکەرمێ".