هامسەرۆکایەتی کۆنسەو ڕاوەبەری کەجەکەی پێوەس بە گەشمەرڎەبیەی مام نەمری ئەرەیاۋنێوەش وەڵا کەردۆ جە ئەرەیاۋناکەینە مام نەمرش بە 'گەشمەرڎەو کوردەسانی' نامۍ ئارڎەن.

ئەرەیاۋناکەو هامسەرۆکایەتی کۆنسەو ڕاوەبەری کەجەکەی پی جۆرەنە:

"بە غەمگینییوە ئەژنیما کە وڵاتپارێزی قارەمانو کۆبانێ مام نەمر (خەلیل عوسمان) عەمرەو خوڎایش کەرڎە، کە دلۍ گەلەکەیمانە ئشناسیێوە و یاگۍ ڕێزی بۍ. بە ڕێز و حورمەتۆ یاڎش مکەرمێوە و جە ۋەرا ۋەرو ئەرەکۆشای پەڕ جە شکۆو وڵاتپاریزیشەنە سەرەما منامنمێرە. سەرساغی ۋێما پەی کەسوکار، گەلوو ۋەرنیشتی و کۆبانێ، تەمامو گەلوو وڵاتپارێزنو کورڎەسانیما موازمۍ.

وەختۍ چەتە فاشیستەکۍ داعشی هرووژمشا کەرڎ سەرو کۆبانێ، مام نەمر سەرەڕاو فرەیی تەمەنیش چەکش کەرڎ شانەش و بەشدارو بەرەو جەنگی بی، وە تا ئازادی کۆبانێ سەنگەر بە سەنگەر جەنگش کەرد. چڼین جارۍ زامڎار بی، بەڵام حەجگیز کۆبانێ و بەرەکاو جەنگینە نەکیشیاوە. پی هەڵوێسە قارەمانە وڵاتپارێزنیۆ بی بە مۆراڵێوە گۆرە پەی گرڎو هەمڕایاش کە جە بەرەکا جەنگینە جە مڎرامانەنە بێنۍ و مۆراڵێوە گۆرەش بە گەلی بەخشا. مام نەمر هەمڕایی هەزاران جەنگەوانا ئازادیش کەرد و هامشێوەو ئارین میرکانی بی بە سیمبوڵو مڎرامانو کۆبانێ.

چنی فرەیی تەمەنیش بە هەڵوێسی ئازایی، فیداکاری و قارەمانیوە هامشێوەو محمەد تونچانی بی بە پیمانەو وڵاتپارێزی سەردەمی تازەی و هێڵۊو جەنگو گەلی شۆڕشگێڵنی. جە دەسدای مرۆڤێوە وڵاتپارێزی پی جۆریە جە دڵۆ عەزیەتش دایمۍ. بەڵام گرڎ کاتێ جە ئەرەکۊشایمانە یاڎش زینە ڕاگێرمۍ. مشۆم مرۆڤێوە قارەمانی پی جۆرە پېسە گەشمەرڎەو کورڎەسانی یاڎ بکریۆوە. سەرو ئی بنەمایە بە ڕێزدارییوە یاڎش مکەرمێوە."