کۆمەڵەو پەشتگیری و پەشتیوانی جە بنەیانەو زیندانییا و حکومدریایا (توای-دەر) مەنتێقەو سوروو ئامەدینە بە بەشداریی سەدان کەسا، چوارەمین کۆنگرەی ئاسایی وێش بەست. نوێنەروو فرەو پارتە سیاسییەکا  و ڕێكوزیایەکا ئامادێ بێنێ.

هامسەرۆکوو فیدراسیۆنوو کۆمەڵەو ماف و پەشتیوانی وەنەو بنەیانەو زیندانییا و حکومدریایا مەد(مەد-توای فەد) کەرەم جانپۆڵات تیشکەش وستە سەروو گۆشەگیریی ڕابەروو گەلوو کوردی عەبدوڵا ئۆجالانی و ئا چالاکییاشە دلێنە و بەروو وەلاتیوە زیندانەکانە دژوو گۆشەگیریی مکریانێ، بانگەوازش کەرد پەی گەورەکەردەی کۆشیای دژوو گۆشەگیری.

هامسەرۆکوو کۆمەڵەو مافشناسا پەی ئازادی (ئۆهەدە)و ئامەدی ڕزا پۆڵات واتش: "تا گۆشەگیریی سەروو بەڕێز عەبدوڵا ئۆجالانی ورنەگێریۆ، کۆشیای ئێمە و زیندانییەکا بەردەوام مبۆنێ".

هامسەرۆکوو دەم پارتی ئامەد عەباس شاهین واتش گۆشەگیریی ئیمراڵی  گردوو گلێرگەکارە وەڵا بییەنۆ.

دماو وانایوە ڕاپۆرتەکا کۆنگرەکە بە ورچنیەی دەسەو ڕاوەبەردەی بەردەوام بی.  

 ڕوەکاو ئایندەیەنە هامسەرۆکەکێ لاو دەسەو ڕاوەبەریی تازەیوە ئەرەمیاونیا.

کۆنگرەکە بە سڵام وەنەو ڕاوەبەرە تازا دماییش ئاما.