کاندید پەی پەرلەمانوو ئەوروپای جە پارتوو چەپی سویدیینە لۆتتا لاگاناندیر سەرێ ئەنجوومەنوو گەلوو گاڤلیبۆرگیش دا و ئاماژەش کەرد: " گۆشەگیری ئیمراڵینە کاریگەرییش سەروو گردوو زیندانییاو وەڵاتیوە هەن."
کاندید پەی پەرلەمانوو ئەوروپای سەروو پارتوو چەپی سویدی پارێزنەر لۆتتا لاگاناندیر سەرێ ئەنجوومەنوو گەلوو گاڤلیبۆرگیش دا. پارێزنەر لۆتتا لاگاناندیر پەی ئەوەکۆڵیای وەنەو گۆشەگیریی ئیمراڵی و نادادپەرەوەری سەروو زیندانییە سیاسییا، وەڵتەر سەرێ ئەستەنبوڵ، ئەنقەرە و ئامەدیش دابێ.
پارێزنەر لۆتتا لاگاناندیر واتش: "ڕاو موکیلە کوردەکاماوە، کە کێشەشا چەنی هەواڵگێریی سویدی بێ، ئاشناو کێشەکاو کوردی بیانێ و یاوانێنە، کە کێشەکاو کوردی و گۆشەگیریی سەروو عەبدوڵا ئۆجالانی ڕووەداێوی ئاساییێ نییەنێ."
پارێزنەر لۆتتا لاگاناندیر باسش چانەیە کەرد، بە وەڵێنیاروو هامڕێوەش بەشداریی شاندێوە بییەن، کە سەرێ تورکیای و کوردستانیش دان و واتش: "چەمم کەوتەن بە سەندیکا یاساییەکا، کۆمەڵە، ئەدایاو ئاشتییچ. دەرنجاموو ئی چەمپەنەکەوتەیامە بە ڕاپۆرتێوە کۆنفرانسێوەنە ئەستەنبوڵنە گرد بەروستێنێ. بەڵام دماو ماوێوی کەمی بومەلەرزەکەو مەرەشی ڕووەش دا و پلانەو سەردایەکەیما بەتاڵە بییۆ. بە هۆکاروو بومەلەرزەکەی دوێ شاندێما وەشێ کەردێ، شاندێوما لوێ هەرێموو بوولەرەزەکەی، شاندەکەی تەریچ سەرێو ئەرەمەرزیایەکاو تورکیایشا دا. بەڵام فرە بەڕۆشنی دیما، کە دۆخەکە چند خراپ بییەن، گۆشەگیری سەروو عەبدوڵا ئۆجالانی چە کاریگەریێوەش سەروو گردوو زیندانییا وەش کەردەن."
