تۆڕەو مافوو ئینسانوو کوردستانی وەڵاش کەردۆ، دەسەو چەمداریی سەرچەمە کارگێڵنییەکاو پارێزگاو سنەی قەرارش  دان بە بەرکەردەی سومەیە ئەختەر شومارێ، مامۆساو زوانی ئینگلیزی  مەکتەبوو دەگاو ڕواروو سەر بە سەوڵاواو مەریوانی.

مامۆسێكێ کە ١٧ ساڵێ ئەزمونوو وانەواتەیوەش هەن، تۆمەتبارەنە بە "پەشتیوانی وەنەو گرووپە وەرهەڵێسکارەکا"، "وەڵاکەردەیوە هەواڵە دروا دژوو کۆماری ئیسلامی"، "ئەندامبییەی جە گرووپ و ڕێکوزیا پیشەییە نایاساییەکاو مامۆستایانە"، "پەشتیوانی و هامسۆزی چنی وێنیشاندایەکاو ساڵەو ٢٠٢٢".

ئینجا قەرارەکەنە ئانەیچە ڕۆشن کریانۆ، کە ئا مامۆسێ جە پرسیارەکاو ئیمتێحانوو زوانی ئینگلیزیینە چند پرسیارێوەش بارەو وێنیشاندایەکاو سەرەوردای ژەنی، ژیوای، ئازادییوە ئاردێنێوە و چندین جارێچ بە نیایرەی ڕسمە جیاجیایا هەژمارەکاو دلێ تۆڕەکۆمەڵایەتییەکانە پەشتیوانییش پەی حزب و گرووپە وەرهەڵستکارە کوردییەکا بەروستەن.