بەپاو هەواڵێوە جەمەو مافوو مرۆڤ و کوردسانی ڕۊو یەکشەممەی ٢٦و ئایاری هێزەکاو سوپاو پاسدارا بێ ئاگاڎارکەردەیۆ وەڵۍ وەختەی تەقەشا جە ترۊمبێل و هاموڵاتیێوە بە نامۍ ئاژوان کیانی خەڵکوو دەگاو باڵەکی کەردەن.

ئانەیچ وزیان ڕووە کە جە ئاکاموو ئا تەقەکەردەینە دەموودەس ئا گەنجە کوردە گیانش جە دەسدان.

چی مانگێنە لاوکەمیۆ ٨ کۆڵبەرۍ و کاسبکارۍ جە مەنتیقە سنووریەکاو ۋەرکەوتینە بەمەڵامەتوو تەقەو هێزەکا دەوڵەتوو ئێرانی گیانشا جە دەسدان و نزیکەو ١٠ کەسایچ زامڎارۍ بیێنۍ.

جە سەرەتاو ئێساڵیوە لاو کەمیۆ ٣٥ کۆڵبەرۍ و کاسبکارۍ کوردی بە تەقەو هێزەکا دەوڵەتی کوشیێنۍ و زیاڎ جە ٢١٠ کۆڵبەرا و کاسبکارایچ زامڎارۍ بیێنۍ، کە فرەیشا بە تەقەو هێزەکا دەوڵەتی کریێنۍ ئامانج.