سکرتێرە و گرڏی پارتو باستای، فرانزیسکا ستێرە ، کە پارتەکەشا جە بوارو ئیکۆلۆژی، فێمینستی و سۆسیالیستیینە هەرمانە و خەبات مکەرۆ، بەنامێ پارتەکەیشۆ بەشداری کەمپینو "گەرەکما چنی ئۆجالانی دیدار بکەر و" بیە. هەڵمەتەکێ سەر و ئاستی مییاننەتەوەیی جەلایەن و کۆڕبەندو ئاشتی و ئازادی ئەوروپای (EFFH) دەسش پنەکریا و ئامانجو هەڵمەتەکێ دیدارکەردەین چنی ڕابەر ئاپۆی. هەڵمەتەکێ جە قۆناغو یوەمینە سەر و ئاستو کەسایەتی و پارت و ڕێکوزیا مییاننتەوەییەکا ئەنجام دریۆنە.

سەرۆکە و گرڏی پارتو باستای سویسری، فرانزیسکا ستێرە پەی دیدارکەردەو  ڕابەر ئاپۆی جە دوورگە و ئیمراڵینە نامێوەش ئاڕاسە و وەزارەتو دادو تورکیای کەرد و داواو لوای پەی ئیمراڵی کەردەن.

نامەکەنە کە جە ٧ـو حوزەیرانو ٢٠٢٥نە گیانریان، ئاماژەش بە کاریگەر و دەنگدانەوە 'بانگەوازو ئاشتی و گلێرگە و دیموکراتیک'ـو ٢٧و شوباتو ڕابەر ئاپۆی کریان جە ئاستی مییاننەتەوەینە.

فرانزیسکا ستێرە ئاماژەش پانەی دا بانگەوازیییەکە و ڕابەر ئاپۆی پەی بنیادنیا و یاگێوە شایستە بە ژیوای هەلێوە تاریخییا و واتش: "تاوەکوو چەمم بە ئێژا ئۆجالانی نەگنۆنە، مەتاونە بە قوڵی و کاریگەرتەر جە فیکر و ڕوانگەکاش یاونە.". فرانزیسکا ستێرە دەستنیشانش کەرد ئامانجش جە بەشداری کەمپینەکەینە پەی ئی مەڵامەتەیە گێڵۆوە و هیواواش واستەن بە بێ هیچ ڕاگیریێ تاوۆنە ڕابەر ئاپۆی وینۆنە.

فرانزیسکا ستێرە جەختش جە پەنەوازی ڕەخسنا و هەلومەرجەکا بانگەوازییەکە و ڕابەر ئاپۆی کەردەنۆ و ماچۆنە: "پەی ئایندەو تورکیای و، کوردەسانی و وەرکەوتوو دلێڕاسەی پەنەوازا چارەسەرو یەکسانی و دیموکراتیک ڕەخسیۆنە."