ئەنجوومەنی فەرهەنگ- ئەدەبی ڕۊجیاری جە ئەرەیاوناێونە هونەرڎۊساو تارێخدۊساو هەورامانی و کورڎەواری هاگادارۍ کەرۊوە، درێژەو چالاکییەکاشانە و پێسە هەرمانە وەڵینەکاشا، ڕۊو چوارشەممەی ڕاکەوتوو ۲۴وو مانگەو گەڵاخەزانوو ۱۴۰۲ی کۊچی ڕۊجیاری و ساڵۊنوو ئێدارەو فەرهەنگ و ڕانموونیی شاروو مەریوانییەنە، کۊنیشتوو پەرڎەلادای پەی کتێبوو تارێخوو هەورامانی جە نویسەتی نویسەروو شارەزاو تارێخی مامۊستا "ئیبراهیم شەمس"ی بەرۊ ڕاوە.

یاگێ واتەینە نویسەروو کتێبەکەی ئەرەیاونانش ئی کتێبە میانەو زنجیرە کتێبێوەن کە مودەتێوەن خەریکشانە بە نامەکا" تارێخوو هەورامانک جوغرافیاو هەورامانی، تارێخوو ئەدەبیاتوو هەورامانی" کە شۆنەو یۆیرە چاپێ کریا و وزیا وەردەموو بوانەکا.

وەخت: چوارشەممە/ ۱۴۰۲/۰۸/۲۴

سەعات: ۱۵ تا ۱۷

یاگێ: ساڵۊنوو مامۊسا قانعی