دارستانەکێ نودشەی تەنها جە ئی هەفتەنە پەیاپەی چوار جارێ ئێرشان گێرت و دەیان هکتارێشان سوتێ و زیانشان پنەیاوا.
پەی ئەوەکۆشنای و کۆنترۆڵکەردەی ئایرەکەی، ئەنجومەنو ژیواو پاوەی تیمەکێ وێش ڕەوانێ نودشەی کەردێ. 
تیمەکێ ژیوای بە دروشمەو ”ئەندیشەی سەوز ڕابەرمانەن“ و بە هامکاری تیمە وێبەخشەکێ ئەنجومەنو سەوزو ویرو هەورامانی و کەمپەینو ژیوگەپارێزانو نودشەی، جەدمای زەحمەتی فرەی، هەر چوار جارەکە ئێرەکەشان کوشناوە و کۆنترۆڵ کەرد.

سەرچەمێوی ژیوگەپارێز جە نودشەوە بە بەشو هۆرامی ئاژانسو هەواڵو فوڕات (ANF)یش وات: ئەگەر جاری یەکەم ئێرەکەوتەکەی ڤییەرێوی ئاسایی و سروشتی بییەبۆنە، بەڵام ٣ جارەکەی تەرێ گومان هەن بە ئەنقەس ئێرکەوتەکەی ڕووەش دابۆنە. ئا سەرچەمە وازیاربێ ”تا خەڵکو هەرێمەکەی زیاتەر هایدارێ بانێ و ڕا نەڎانێ کەسێ ناحەزێ و دژە ژیوگێ زەفەر بە دارستانەکان بە تایبەتی و ژیوگەو هەورامانی بە گردیی ببەرانێ. هەر کەس جە یانە و یاگۍ وێشەنە ببۆنەبە پارێزوانو ژیوگەکەیش“.