سازی چاپەمەنی و پەخشو ”زایەڵە“ی جە شارو مەریوان-ی بەردەوامەن جە خزمەتکەردی بە زوانو هۆرامی و کتێبخانەو هۆرامانی و کوردستانی. 
جە ئی چوارچوەنە کتێبو (قەڵاو ئاژەڵا)ش چاپ و پەخش کەردەوە. کتێبەکە جە نویستەی (جورج ئورێلی)ن و حیسام کاکی هۆرگێنان پەی زوانو هۆرامی.

زایەڵە جە ئی بارەوە ئی زانیاریێشە دێنێ:

‍ بەرهەمی تازە:

نامێ بەرهەمی: قەڵاو ئاژەڵا
بابەت: تەرجومەو داستانێ 
هورگێڵنەر: حیسام کاکی
چاپوو ئەوەڵی: ئاخروو هامنوو 1400 
چاپ و پەخش:  زایەڵە
 ئی بەرهەمە تەرجومەو کتێبوو قەڵاو ئاژەڵاو جورج ئورێلین.  بەڕێز حیسام کاکی بە زوانێوە شیرین و ڕەوان هورگێڵنانوە سەروو زوانی هەورامی.
ئی کتیبە جە ١٢٠ لاپەلێنە ئامادە کریان و ئێنتشاراتوو زایەڵەی چاپ کەردەن.

پەرەگرافێ جە کتێبەکەی:

مامۆ جۆنز (jones) پاسە سەروەش بیەبێ، وەختارێ بەرەو کولینەکێش بینا، ویرش شی تەشاویەکێ سەروو بانوو کەرگەکا باخنۆ. لارەلار چراوەکێش گرتە و بە سەخڵەت تاواش حەوشەوە تا وەرهەیوانەکە ڕا بەر کەرۆ. پاڵاکێش پاشەنە فڕە دای و ئاخر پیاڵەو شەراوەکەیش جە بۆشکەو دیوەخانەکەینە پەڕ کەرد و لوا پەی هۆدٚەکێ خاتوو جۆنزێ کە دەنگوو پرخەیش یانەکەش ماسنا بێ....