تۆڕەو مافەکا مرۆڤوو کوردسانی وەڵاش کەردۆ، ماوەو یەرە ڕۊی ۋییەردەینە لاو کەمیۆ ١٤ چالاکۍ، هونەرمەنڎۍ و هامووڵاتیۍ بە نامەکا یوسف حاجی خۆش، رەحیم رەفعەتی، فەخرەدین مودەڕسی، ئومید رەشیدپاک، ئارمان ئیبراهیمی، سەلاح قازی، حیسامەدین مەحمود، مەوکود روستا، حەسەن رەسوڵی، جەعفەر رەسوڵی، محەمەد سوڵتان پور، غەفور شێخ محەمەدی، هادی لاوە و ئاکۆ ئیبراهیمی جە تەرەفوو هێزە ئەمنییەکاو ئێرانیۆ جە شاروو شنۆی و دەگایەکا دەوروبەریشەنە گیریێنۍ.

ئانەیچ وزیان ڕووە کە ئا کەسۍ جە تەرەفوو ئیتلاعاتوو سوپاو پاسداراوە گیریێنۍ و فاڕیێنۍ پەی شۆنۍ نادیاری.

هاموەخت باس چانەی مکریۆ  کە گێرتەی ئا کەسا پەیوەندیش بە ڕاوەبەردەی و بەشداری جە مەراسیمەکا نەورۆزینە هەن.