سنوورو بانەینەکۆڵبەرێوە تەر کوشیا
هێزەکاو دەوڵەتوو ئێرانی سنوورو بانەینە تەقەشا جە ژمارێوە کۆڵبەرا کەرد و پا مەڵامەتۆ کۆڵبەرێوە خەڵکوو شارو سەردەشتی کوشیا.
بەپاو هەواڵێوە تۆڕەو مافەکا مرۆڤوو کوردسانی ڕۊو یەرە شەممەی ٢٨و ئایاری ژمارێوە کۆڵبەرۍ جە مەنتیقەو سنووری هەنگەژاڵەو بانەینە جە تەرەفوو هێزەکاو پاسەوانوو سنووری دەوڵەتوو ئێرانیوە دریێنۍ ۋەروو دەسڕێژوو گولـلا و پا مەڵامەتۆ کۆڵبەرێوە کوشیان.
ئا کۆڵبەرە نامێش سینا رەسوڵزادەن، تەمەنش ١٩ ساڵێن و خەڵکوو سەردەشتی بیەن.
جە سەرەتاو مانگەو ئایاریوە لاوکەمیۆ ٩ کۆڵبەرۍ و کاسبکارۍ و هاموڵاتیۍ کوردی بەتەقەو هێزەکا دەوڵەتی کوشیێنۍ، کە فرەیشا جە مەنتیقە سنووریەکا بانەینە بیێنۍ.
حەرپاسە جە سەرەتاو ئێساڵیچۆ ٣٦ کۆڵبەرۍ، کاسبکارۍ و هاموڵاتیۍ جە مەنتیقە سنووریەکانە کوشیێنۍ و زیاتەر جە ٢١٥ کەسایچ زامڎارۍ بیێنۍ، کە فرەیشا بە تەقەو هێزەکا دەوڵەتی پێکیێنۍ.
