بەپاو ئا ئامارۍ کۆلبەرنیوزی وەڵاکەرڎېنۆ، جە شش مانگوو یوەموو ساڵەو ٢٠٢٤ینە، بە گرڎیی ٢٧٠ کۆلبەرۍ جە مەنتیقە سنوورییەکا و ڕاکاو بەینوو پارێزگاکاو ۋەرکۊتوو کورڎەسانینە بە مەڵامەتو مەڵامەتەکا پېسە تەقەی ڕاسەوخۆ و هېزەکا حکومەتو ئێرانی، گېیانشا جە دەسدان، وارای وەرۋێوە، ئەوەتاقایۆ ئەڵاخامە چنیایەکا، کۊتەیرە واری جە کەشو سەختیەکانە و حاڵەتەکا تەریۆ کوشیێنۍ و زامڎارۍ بېیێنۍ.

جە ئامارەکېنە پی جۊرە ئامان:

چی ژمارەیە بە گرڎی ٣٤ کۆلبەرۍ (١٣%) کوشیێنۍ و ٢٣٦ کۆلبەرۍ (٨٧%) زامڎارۍ بېیێنۍ.

- بە مقارەنە بە نیمەو یوەموو ساڵەو ٢٠٢٣، ژمارەو کوشییای و زامڎارا کۊڵبەرا بە ڕېژەو ٢١٨% ی زیاڎش کەرڎەن

- جە کۆی گرڎینەو ئا ٢٧٠ کۆلبەرا کە جە شش مانگی یوەموو ساڵەو ٢٠٢٤ینە کوشیێنۍ و زامڎارۍ بېیێنۍ، بەکۆی گرڎین ٢٢٢ حاڵەتێشا (٨٢%) بە مەڵامەتوو تەقەی ڕاسەوخۆ یا دایۋنەو هېزە نیزامییەکا ڕژێمیوە بېیەن.

- جە کۆی گرڎینەو ٢٧٠ کۆلبەرا کە جە شش مانگوو یوەموو ساڵەو ٢٠٢٤ ینە جە سنوورو کورڎەسانینە کوشیێنۍ و زامڎارۍ بېیێنۍ، ٢٠ شا زاوڵۍ واروو تەمەن ١٨ ساڵینۍ.