هەرێمە ئەرەگیرکریاەکانە ناڕەزایەتییەکێ دژوو ڕووەدایە نەژادپەرسییەکا و هجوومەکا و سۆچنای و تاڵانکەردەی کە ٣٠ حوزەیرانینە دەسش پەنە کەرد و چند شارێوەنە وەڵا بییۆ، زیاتەرێ بیێنێ و عەلەمەو تورکی سۆچنیا، هەوڵێ دریێ چند بنکێوی سەروازیێ و خاڵی سنووریێ کۆنترۆڵێ بکریا.   

ڕاوەبەر سۆهر ڕامی عەبدولرەحمان بە ئاژانسووڤ فرانس پرێسیش وات: "ژمارەو وێنیشاندایەکاو ڕۆو دووەشەممەی یاوێ ٧ کەسێ، ٦ کەسێ عەفریننە و کەسێوە جەرابلوسنە ئەنجاموو ماڵاییۆیرەینە چەنی پاسەوانە تورکەکا کوشیێنێ".

سۆهر واتش پاسەواناو سنووروو تورکی دەسمجوو گولـلەیشا وەنەو وێنیشاندەرا کەردەن و گەرەکشا بییەن خاڵێوە سنوورییە جەرابلوسنە کۆنترۆڵ بکەرا.

هەرپاسە سەرچەمە تەندرووسییەکاو هەرێمە ئەرەگیرکریایەکا، ، ژمارەیو کوشیایاشا پەشتڕاس کەردەنۆ.