ئەڎاو گەشمەرڎۍ زیلان ئورمیەیۍ کۆچی حەقەتینش کەرد
ئەڎاو گەشمەرڎۍ زیلان ئورمیەیۍ (لەتیفە سەلامەت)ە ڕۊو جومعەی عەمرەو خوڎایش کەردە.
ئەڎا حەنیفۍ ئەڎاو گەشمەرڎۍ لەتیفە سەلامەتۍ ئشناسیۍ بە زیلان ئورمیەیۍ ڕۊو جومعەی ٣١-٥-٢٠٢٤ عەمرەو خوڎایش کەردە.
ئەڎا حەنیفۍ نەک هەر بە بەخشای کناچێوەش بە کۊشیای ئازاڎیی، بەڵکم ۋێچش پېسە وڵاتپاڕێزنێوە چنڎین ساڵۍ بۍ پەشتیوانی جە جمیەروو ئازاڎیی کوردسانی مکەرۍ.
ئەڎا حەنیفۍ کە خەڵکەو دەگاو لۆرزنی مەنتیقەو مەرگەوەری بۍ، ماوەو چن ساڵێوەبۍ ئەرەنیشتۍ ئیسلامئاواو ورمێ بۍ، پېسە وڵاتپارێزنێوە درێژە بە کۊشیای پەی ژیۋایۍ ئازاڎیی دۍ.
زیلان ئورمیە کە بە زیلان پەپولەیچ ئشناسیۍ بۍ، ساڵەو ٢٠٠٦ جە جەنگێوەنە نزیک بە مەریوانی گەشمەرڎۍ بیە.
