کانتۆنوو فوراتینە ٦٧ هەزارێ و ٣٧٥ وانیارێ سەرەتایی، ناوەندی و ئامادەیی کارتێ ئاخروو ساڵێشا ورگێرتیوە، وانیارێ و مامۆسێ سەبارەت بەدایۆ کارتەکاشا، پەی ئاژانسوو هەواڵوو فوراتی دوێ.  

قسەکەروو مەکتەبوو گەشمەردە سەیدۆ ساڵح نایفی وستش ڕووە، کە قەدەغەو سەروو زوانی کوردی دماو شۆڕشیوو وەرنیشتیوە  ورگیریان و مەکتەبنە بەڕسمی پەروەردە بە زوانی کوردی هەن و واتش، "ئێساڵ وانای خاس گوزەریا، مەکتەبوو گەشمەردە سەیدۆینە ٨٥٠ وانیارێ هەنێ، مامۆسێ ٤٥نێ و دوێ قسەکەرێ و کارمەندێ ئەرشیڤی هەنێ. ساڵێوە وەەشەما ویەرنا و وانیارێ پەی ورگێرتەیوە کارتەکاشا ڕووەشا نیێنە مەکتەبەکا، زوانەکەما چند ساڵێ چێ وەڵتەر سەردەموو دەسەڵاتوو ڕژێمینە قەدەغە بێ. وەختێو تاکە یەک کەلێمێ کوردییە بە کارئێ، ڕاستەوخۆ کەسەکە ڕووبەڕوو ئەشکەنجەی کریێوە، بەڵام لئارۆنە مەکتەبەکێ و پرۆگراموو وانای گردش کوردیین."

بەختەوەرنا کە بە زوانی کوردی موانوو'

وانیارێو پۆلوو ٧و مەکتەبوو گەشمەردە سەیدۆی، نادیا عەلیش پێسە هەستش بەروست، "فرە دڵوەشنا، کە کارتما ورگێرتۆ. بەختەوەرێنمێ، کە ئێمە بە زوانوو وێما موانمێ. ئێمە فرە شانازی مکەرمێ و دڵوەشێنمێ، کە بە زوانوو وێما موانمێ. بژیوۆ زوانی کوردی".

وانیارێوە بە نامێ ئێڤا ئەل عەلی-ێوە واتش، "بۆنەو دڵوەشییوە نمەتاوو هەستوو وێم بەربوزوو، ئێمە کارتما ورگێرتۆ، حەز مکەروو کە بە زوانی ئەدایی وێم بوانوو و بنویسوو، ئاستوو زوانوو وێما میاونمێ بەرزتەرین ئاست".