ئێشکگێریی دادپەروەریی ئەمینە شەنیاشارێ ١١٩ ڕوێن بەردەواما
ئێشکگێریی دادپەروەری ئەمینە شەنیاشارێ ١١٩ ڕوێن بەردەواما. ئەنداماو یۆبییەی ژووروو عەندازەگێری و بیناسازاو تورکی سەرێشا دا و واتشا کۆشیای بنەیانەکەی هومێدبەخشا.
ئێشکگێریی دادپەروەریی ئەمینە شەنیاشارێ وەردەمو وەزارەتوو دادینە ئەنقەرەنە ١١٩ ڕوێن بەردەواما.
ئەمینە شەنیاشارە و کوڕەکەش پەرلەمانتاروو دەم پارتی فەرید شەنیاشار، لوێ وەردەموو وەزارەتوو دادی و واوەی ڕاشا نەدریا بلانە بیناکێوە. ئەنداماو یۆبییەی ژووروو عەندازەگێرا و بیناسازاو تورکوو وانی و ئامەدی و مێردین و ڕحا و ئێلح سەرێ چالاکییەکەیشا دا.
هامسەرۆکوو لەقوو ئامەدوو ژووروو عەندازەگێراو کارەبێ ئوفوق بوڵوت و سکرتێروو دەسەو هەماهەنگیی ئامەدوو یۆبییەی ژووروو عەندازیەگێرا و بیناسازاو تورکی مەعسوم چیا کورکماز قسێشا کەرێ، پەشتگیرییشا پەی چالاکییەکەی بەروست و واتشا کۆشیای بنەیانەکەی کۆشیای ئادیشایچا.
هامسەرۆکی وەڵینوو ژووروو بیناسازاو ئامەدی شەرەفخان ئایدن تیشکەش وستە سەروو کۆشیای ئەمینە شەنیشارێ و واتش: "هەڵوێست و کۆشیایێوی نەپڕچیا مرمانۆ. پەی گردوو گەلەکەیما بیێنە بە هومێد".
دمایی ئەمینە شەنیاشارە و فەرید شەنیشاری کوڕش لوێ پەرلەمان.
