ئشناسنامەو یەرۍ گەریلایا گەشمەرڎا ئاشکرا کریا
هەپەگە ئەرەیاۋناش، ٨و نیسانی جە مەتینانە ٣ گەریلۍ گەشمەرڎۍ بیۍ و ئانەش وست ڕوە: "ئېمە جارێوەتەر قەول واوەی مکەرمېوە کە کۊشېیای ئازاڎیی ۋێما کە ئەمانەتوو هامڕایامانە، بە سەرکۆتەی تاجدار بکەرمۍ".
ناوەندوو ئەرەیاۋنای و چاپەمەنی هەپەگەی جە بارەو ئا گەریلایاوە کە گەشمەرڎۍ بیێنۍ ئی زانیاریەشە ئەرەیاۋنا:
" ٨و نیسانوو ٢٠٢٤ینە جە هەرېموو مەتیناینە جە هجوومېوە دوژمنینە هامڕێما زیلان ئامەدە، شاهان ئامەد و سەرحەد چارچەلا گەشمەرڎۍ بیۍ.
جە دژوو هجوومەکا سوپاو تورکی ئەرەگیری کە پەی دلېنەبەردەی دەسکۆتەکا گەلەکەیما و جمیەرەکەیما، پەی قڕکەردەی کوردا ئەنجام مڎریۆ، مدرامانێوە ئەفسانەیی ئەنجام مڎریۆ. ئانەی مۊرەو ۋێش چی مدرامانە تاریخیە دان بەبۍ گومانە سەرمەشقایەتی یەژاستارین. ژەناو کوردی کە بە فەلسەفەو ڕابەر ئاپۆی ۋێشا جە بوڵەو ۋێشا خولقناوە، بە شێوێوە گېیانبازانە سەرجە نۆ تاموو ئازاڎییشا کەردۆ و بە ڕېبازو ژیۋای ئازاڎیی پابەڼۍ بێنۍ. حەرپۊکەی دژوو هجومی قڕکەری جە گرڎ ساتێنە بۍ دوودڵی مدرامانی گەورەشا کەردەن.
جە هامڕایا قارەمانا ئامەدی فەرماندۍ ئێژاو یەژا ستاری هامڕێما زیلان ئامەدەیچ لوادلۍ ئی نەریتەو مدرامانی جە کەشەکا کوردسانی. جە زاپ حەتا حەفتانین، جە قەندیل تاکو ۋەرنیشت و مەتینا جە فرەو هەڕێما وڵاتەکەیمانە دژوو هجوومەکا پەی سەرو گەلەکەیما ۋێش کەرڎ بە قەڵغان، بیە بە یۊوە جە دیارتەرین نمونەکا ئا ژەنا کە بە جەنگکەردەی زەریفۍ و ناوازۍ با. هامڕێما زیلانە کە جەنگاوەرېوە ئاپۆییە بۍ و ۋێش پەی ئازاڎیی گەلەکەیما و ژەنا بەختە کەردە، جە کەسایەتی ۋێشەنە پیرۊزبېیەی ڕەنج، شکۊمەندی مدرامان و دڵسۊزی و وەفاداری ۋەرا ۋەر بە بەهاکاو ئازاڎیی ۋێنا کەرد.
هامڕێما شاهان و سەرحەدیچ پېسە ڕۊڵە شکۊمەندەکا گەلەکەیما بە ڕەنج و داواکاریۍ گەورۆ بەشداریشا جە جەنگی ئازادینە کەردەن. هەر ساتێوە جەنگی ئازادییشا بە کۊشېیای پەی جوابدایۆ پەی داواو ئازادیی گەلەکەیما ۋییەرنا.هامڕێما شاهان و سەرحەد کە ڕۊحوو گەنجا ئاپۆییشا جە کەسایەتی ۋێشانە وێنا کەرۍنۍ، جە هەر مەنتیقێوەنە مەنێباوە، بە تایبەتی جە مەتینانە مدرامانی گەورەشا ئەنجامدابۍ.
سەرەوەشی جە بنەیانەی بەڕېز و بەقیمەتوو هامڕایاما زیلانۍ، شاهان و سەرحەدی مکەرمۍ کە ڕۊڵۍ قارەمانۍ گەلەکەیما بێنۍ، حەرپاسە سەرەوەشی جە تەماموو گەلی وڵاتپارێزو کوردسانی مکەرا و قەول واوەی مکەرمۍ کە کۊشېیای ئازاڎیی کە بەئېمەشا سپاران بېیاونمۍ بە سەرکۆتەی.
زانیاری سەرو ئشناسنامەو هامڕا گەشمەرڎەکاما پی جۊرەنە:
ناسنامۍ / زیلان ئامەد
نامۍ و دمانامۍ / بێریڤان زەنگین
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / فەریدە- لەتیف
شۊنماو وەختوو گەشمەرڎةبیەی / ٨و نیسانوو ٢٠٢٤/ مەتینا
****
ناسنامۍ / شاهان ئامەد
نامۍ و دمانامۍ / نوروڵا تونچ
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / ئایفەل- وەلی
شۊنماو وەختوو گەشمەرڎةبیەی / ٨و نیسانوو ٢٠٢٤/ مەتینا
****
ناسنامۍ / سەرحەد چارچەلا
نامۍ و دمانامۍ / ئەسەد رائید
شۊنماو جە ئەڎابیەی / قامیشلۆ
نامۍ ئەڎۍ و نامۍ تاتەی / یاسمین - رائید
شۊنماو وەختوو گەشمەرڎةبیەی / ٨و نیسانوو ٢٠٢٤/ مەتینا
