واتەواچەو ئەنجومەنو ژەنا دەم پارتی خالیدە تورکئۆغلووە، جە یاڏکەردەیۆ ٧ ژەنا شۆڕشگێڵنینە کە جە پاریس و سلۆپینە تیرۆرۍ کریێ قسێش کەردێ و واتش: "ئیتر کاتو ئانەین سەرو ئازادی جەسەیی ئێژا ئۆجالانی قسێ کەرمێ، نەک گۆشەگیری."
جە مەنتیقەو سلۆپی شڕنەخینە بەینو ساڵەکا ٢٠١٥ و ٢٠١٦نە کاتو قەدەغەکەردەی لوا چبەرینە ئەندامەو ئەنجومەنو پارتو هەرێمە دیموکراتیکەکا (دەبەپە)ی سێوە دەمیرە، هامسەرۆکەو ئەنجومەنو گەلو سلۆپی پاکیزە نایرە و ئەندامەو کۆنگرەو ژەنا ئازادی (کەژەئا) فاتمە ئویارە تیرۆرۍ کریۍ. هەریەرە ژەنە سیاسەتمەدارێ تیرۆرکریێ جە ٩مین ساڵۆو گەشمەرڏەبیەیشانە جە مەنتیقەو سلۆپینە یاڏ کریێوە. هەرپاسە جە یاڏکەردەیۆکەینە ژەنە سیاسەتمەدارە ساکینە جانسزە، لەیلا شایلمەزە، فیدان دۆغانە، ئەڤین گۆییە کە پاریسەنە بە دەسو هەواڵگری دۆڵەتو تورکی تیرۆر کریێ یاڏ ۍکریێوە.
یاڏکەردەوەکەی جە بیناو کۆنفرانسەکا دەم پارتی مەنتیقەو سلۆپینە ئەنجام دریا و نوێنەرێ چنین پارتو سیاسی و ڕێکوزیاکا ژەنا بەشدارێ بێنێ.
چالاکییەکەنە وێنەو گەشمەرڏە ژەنەکاو هەرپاسە مۆمێ و گوڵێ نریبێنێرە. بەرنامەو چالاکییەکەی بە نیشاندای سینەڤیزیۆنێوە سەرو ژیواو ئەرەکۆشای ژەنە گەشمەردەکا دەسشپنەکەرد.
دماتەر سەرونامێ بنەیانەو گەشمەرڏا ئەڏاو سێوە دەمیرێ قسێش کەردە و جە قسەکاشەنە سڵامو ئەڏا گەشمەرڏاش گیانا پەی ڕابەر ئاپۆی، ئاماژەش پانەیەدا پەنەوازا وەرپەرسا دۆڵەتو تورکی ئی فرسەتە بنیادنیاو ئاشتیەی جەدەس نەرا.
جە چالاکییەکەنە واتەواچەو ئەنجومەنو ژەنا دەم پارتی خالیدە تورکئۆغلۆە قسێش کەردە و جەختش چانەیەکەردۆ چارۆنە بە هەزارا ژەنێ سەرو ڕێبازو ئا هەمڕا ژەناشا جە ئەرەکۆشای وەرفراوانکەردەی ئەرەکۆشایشا.
'ئەرەکۆشایما گۆرە مکەرمێ'
جە قسەکاشەنە تورکئۆغلووە سەرنجش وست سەرو گۆشەگیری ئیمراڵی و واتش: "چارۆنە ئیتر نمەبۆ باسو گۆشەگیری کریۆنە، بەڵکوم مشۆم باسو ئازادی جەسەیی ئێژا ئۆجالانی کریۆ. ئانێ کە بە کۆمکوژی و سیاسەتەکا گۆشەگیری گەرەکشانە ملکەچێما بکەرا، با خاس بزانا هەتا ئازادی ئێژا ئۆجالانی پێکنێنە ئاشتی نمێ ئاراوە. پۆکەی ئەرەکۆشایما بەرز کەرمێوە و ئینەیچ قەولمانە پەی هامڕاکاما. پی ئەرەکۆشایە وەرنیشتی پارێزنمێ و قوربانی حەرچی بۆ بەخشمێش و سەرێگنمێ."
