هێرشەکە لە گوندی ئیسلاح کە ١٢ کیلۆمەتر لە ناوچەی گوڵالەی خانەقینەوە دوورە. لە دوو هێرشدا ٦ کەس لە خانەوادەیەک کوژران و ٦ کەسیش لە خانەوادەیەکی دیکە بریندار بوون.

هێزەکانی عێراقیش وڵامی چەتەکانیان دایەوە و شەڕ روویدا. لە شەڕەکەدا سەربازێکی عێراقی کوژرا و دوو سەربازیش بریندار بوون.

گوندی ئیسلاحیە لەسەر رووباری سیروانە و لەنێو دارستاندایە.

بەهۆی دارستانەکانی ناوچەکە، لە ساڵی ٢٠١٤ەوە چەتەکانی داعش خۆیان تێیدا حەشار دەدەن.

لەگەڵ ئەوەی هەرێمەکە لەژێر کۆنتڕۆڵی هێزەکانی عێراقدایە، بەڵام چەتەکانی داعش زۆر جار هێرش دەکەنە سەر گوندەکان و هاوڵاتیان دوکوژن. بەهۆی هەڕەشەی داعش ژیانی هاوڵاتیان لە مەترسیدایە و زۆر گەنج کۆچیان کردووە.

چەتەکانی داعش لە ٢٣ی ئایاردا هێرشیان کردبووە سەر ناوچەی تازە خورماتووی کەرکوک و ٦ کەسیان کوشتبوو.

ف.ق