بەگوێرەی ڕاگەیەندراوی ڕێکخراوی مافەکانی مرۆڤی عەفرین-سووریا، دەوڵەتی تورک گروپێک پەنابەری سووریای لە دەروازەی گرێسپییەوە ناردووەتە ناوچە داگیرکراوەکانی باکوور و ڕۆژهەڵاتی سووریا.

بەگوێرەی ڕێکخراوەکە، ئەو پەنابەرانە ژمارەیان نزیکەی ١٠٠ کەسە و بەسەر ناوچە داگیرکراوەکاندا دابەشکراون، ئەوەش لە چوارچێوەی پیلانی دەوڵەتی تورکە بۆ نیشتەجێکردنی پەنابەرانی سووریا لە ناوچە داگیرکراوەکان.

بەگوێرەی چاودێرانی دۆخی سووریا، دەوڵەتی تورک پیلانی هەیە بۆ نیشتەجێکردنی زیاتر لە یەک ملیۆن پەنابەری سووریا لە ناوچە داگیرکراوەکانی باکوور و ڕۆژهەڵاتی سووریا.

ف.ق