ئەندامانی ئەنجومەنی گەنجانی پارتی دیموکراتی گەلان (هەدەپە) لە ئامەد کە لە نێوانیاندا ئەندامانی بەڕێوەبەریش هەبوون دەستگیرکرابوون. لە ناوچەی شیشلی ئیستەنبوڵ گەنجان دەستگیرکردنی زۆر کەسیان کە لەناویاندا بەڕێوەبەر و گەنجیش هەبوو بە رێپێوانێک شەرمەزار کرد.

گەنجان کە لە گەڕەکی خاربیە لە دژی پاکتاوی سیاسی رێپێوانیان کرد زۆر جار دروشمی "بە دەستگیرکردن و گوشار ناتوانن بمانترسێنن" و "هەدەپە هیوایە، هیوا خۆڕاگری دەکات" وتەوە و پلاکاردی "ماف و رەوایەتیمان دادگایی ناکرێت، ئێوە ناتوانن تێکۆشانمان نایاسایی بکەن"، " دەستبەجێ هەڤاڵانمان ئازاد بکەن" بەرزکرانەوە.

پۆلیسەکان کە ویستیان رێپێوانەکە ئاستەنگ بکەن، زۆرکەسیان لە دواوە کەلەپچەکرد و بە ئەشکەنجە دەستگیریان کردن. پۆلیسەکان گەنجەکانیان خستەناو ئۆتۆمبێلی تایبەتەوە. لە کاتی دەستگیرکردندا گەنجان دروشمی "گوشار نامانترسێنێت"یان وتەوە.

هـ . ب