پەروین بووڵدان هاوسەرۆکی پارتی دیموکراتی گەلان (هەدەپە)، فەلەکناس ئوجا هاوسەرۆکی کۆمیسۆنی پەیوەندییەکانی دەرەوەی هەدەپە و سەعید دەدە پەرلەمانتاری جۆلەمیرگی هەدەپە، لە فەرەنسا زنجیرەیەک کۆبوونەوەیان ئەنجامدا.

بووڵدان و شاندەکەی هەدەپە لەگەڵ فراکسیۆنە سیاسییەکان لە ئەنجومەنی نیشتمانیی فەرەنسا (پەرلەمان) کۆبوونەوە.

شاندەکە دوای ئەو کۆبوونەوانە لەگەڵ ئۆلیڤیەر فاوری سکرتێری گشتیی حیزبی سۆسیالیستی فەرەنسا و دیلان بۆتیفلات سکرتێری نیشتمانیی حیزبی سۆسیالیست کۆبوونەوە و پاشان لەگەڵ پیەر لۆرانت جێگری سەرۆکی پەرلەمان لە حیزبی کۆمۆنیستی فەرەنسا و  ئەندرێ چاساین سەرۆکی فراکسیۆنی حیزبی کۆمۆنیست، سیناتۆر پیەر دەرڤیل و پاسکاڵ تۆری بەرپرسی پەیوەندییەکانی دەرەوەی حیزبی کۆمۆنیست کۆبوونەوە.

شاندەکە دوای نیوەڕۆ لەگەڵ پارتی چەپی فەرەنسا و فراکسیۆنی باڵای پەرلەمانی فەرەنسا بە بەشدارییەکی زۆر گەورە کۆبوونەوە.

کۆبوونەوەیەکی بەرفراوانیش لەگەڵ ئەندامانی فراکسیۆنی باڵای ئەنجوومەنی نیشتمانیی فەرەنسا و ژان لوک مالنچۆن کاندیدی سەرۆکایەتی فەرەنسا و ئیریک کۆکیرێل سەرۆکی فراکسیۆنی نیشتمانیی فەرەنسا و پەرلەمانتار ماتیلدێ پانۆتسول و سەرۆکی پارتی ژان کریستۆف سێلین بەڕێوەچوو.

لە کۆبوونەوەکەدا باس لە پێشهات و رووداوە سیاسییەکان لە تورکیا و ناوچەکە نەکرا. هاوکات باس لە پەیوەندییەکانی فەرەنسا -  تورکیا کرا و هەڵسەنگاندن بۆ ئەو پەیوەندییانە کران.

شاندەکەی هەدەپە ئەمڕۆ لەگەڵ نوێنەرانی فراکسیۆنەکانی تری پەرلەمانی فەرەنسا کۆدەبنەوە.

ژ.ت