بەگوێرەی راگەیەنراوی کۆمسیۆنی سەربازی پارتی کۆمۆنیستی مائۆئیست (هەکەئۆ) دووەم کۆنفڕانسی سەربازی بە شێوەیەکی سەرکەوتوو بەڕێوەچووە.

لە ئەنجامنامەی کۆنفڕانسەکەدا راگەیەنراوە، کە قۆناغی ئێستا بە بەرفراوانی هەڵسەنگاندنی بۆکراوە و ئاماژە بە گرنگی ئەو رووداوانە دراوە کە لە سەر ئاستی ناوچەیی و نێونەتەوەیی روودەدەن.

لە کۆنفڕانسەکەدا ئەو پێناسەیە بۆ رژێمی ئێستا لە تورکیا کراوە، "دەوڵەتی تورکی فاشیست کە دوژمنی گەلانی تورکیا-باکوری کوردستانە، لەگەڵ هەموو دەسەڵاتێکیدا خوێنی گەلان دەمژێت".

هەر لە ئەنجامنامەکەدا هاتووە، کە فاشیزم سەرباری تەکنەلۆژیا و تەکنیکەکانی خۆی، وێڕای تەونی هەواڵگرییەکەی و شەڕی دەروونی لەبەرامبەر گەریلا لە رووی ستراتیژییەوە تووشی بێدەرەتانی بووە.

لە کۆنفڕانسەکەدا ئاماژە بە راستی ئەو شەڕەی گۆڕدراوە کراوە و راگەیەنرا، "پێویستە بە گوێرەی ئەوە گۆڕانکاری گەورە ئەنجامبدرێت و وەڵام بە راستی ئێستای شەڕ بدرێتەوە. ئەوەش ئەرکی مێژوویی و رۆژانەی ئێمەیە، ئەرکی ئێمەیە لەبەردەم شۆڕش و جەماوەردا. وەک شوێنکەوتوانی ئەو کەسانەی بە شەڕکردن فێری شەڕ بوون، وەک دوێنێ ئەمڕۆش بە شەڕ کردن فێر دەبین و شەڕ فێردەکەین".

لە ئەنجامنامەکەدا بۆ شەڕ لە سەنگەرەکانی شەڕی گەلی سۆسیالیست بانگەواز کراوە.

لە کۆتایی ئەنجامنامەکەدا شەهیدانی شۆڕشی تورکیا-باکوری کوردستان بە بیرهێنراونەتەوە.

هـ . ب