لە شارەکانی ئێران و رۆژهەڵاتی کوردستان لە ٣٠ تشرینی دووەمەوە بە تایبەتی بۆ سەر خوێندنگەکانی کچان هێرش بە گازی ژەهراوی ئەنجام دەدرێت. هێرشەکان لە ٣٣ شار ئەنجامدراون و ژمارەیەکی زۆر خوێندکار ژەهراوی بوون.

تائێستا نازانرێت کە هێرشەکان لەلایەن چ کەس و لایەنێکەوە ئەنجام دەدرێن و سەبارەت بەو گازەشی کە بەکاردەهێنرێت زانیاری روون بەدەست نەخراون. باس لەوەدەکرێت کە لانیکەم هەزار خوێندکار ژەهراوی بوون. لە ئەنجامی هێرشی کیمیاییدا منداڵێک بە ناوی کارین عەلەمداری و سێ منداڵی دیکە ژیانیان لەدەستداوە.

گەل دەستیان بە چالاکی ناڕەزایەتی کردووە

خەڵکی مەهاباد ناڕەزایەتیان بەرامبەر بە هێرشە ژەهراوییەکانی سەر خوێندنگەکان نیشاندا و دەستیان بە چالاکی کرد. خەڵک لە رێگەی کردنەوەی ئاگر لە شەقام گردبوونەوەیان ئەنجامدا و داوای زیاتر کردنی چالاکییەکانیان کرد.

لەناوچەی گۆکتەپەی مەهاباد دوای ئەوەی خوێندکارە کچەکانی خوێندگەی سەبا ژەهراوی بوو، لە زۆر خوێندنگە بڕیاردرا کە خوێندنگەکان یەک کاتژمێر زووتر کۆتایی بە وانەکان بهێنن.

هـ . ب