ڕەوشی تەندروستی خەدیجە یەڵدزی ٧٥ ساڵە لەبەر ناردنی پارە بۆ کچەکەی و هەڤاڵەکەی لە زیندان، خراوەتە زیندان، تادێت ڕەوشی خراپتر دەبێت. کوڕەکەی خەدیجە، ئاڵپەر یەڵدز لە ١٣ ی نیسان چووە سەردانی دایکی لە زیندانی ژنانی باکرکۆی، ڕایگەیاند دایکی لەکاتی دەرچوونی لە ژوورەکەی لەهۆش خۆی چووە.

پاش سەردانیکردنی دایکی، ئاڵپەڕ یەڵدز ڕایگەیاند دایکی بەردەوام لەهۆش خۆی دەچێت و ئازاری سەر و پشتی هەیە، هەروەها بەرچاوی شین بۆتەوە و پێویستی بە نەشتەرگەرییە، بەهۆی بەرزی فشاری خوێنەوە بەردەوام لەهۆش خۆی دەچێت، ئەگەر چارەسەر نەکرێت ڕەنگە ڕەوشی سەختتر بێت، مانەوەی دایکی لە زیندان بە مەترسیدار زانی و داوای کرد دەمودەست ئازاد بکرێت.