لە شاری لۆزانی سویسرا هێرشی دەوڵەتی تورک بە چەکی کیمیایی بۆ سەر هەرێمەکانی پاراستنی مەدیا، کە چەند مانگێکە بەردەوامە و گۆشەگیریی سەر ڕێبەری گەلی کورد عەبدوڵا ئۆجالان ئیدانە کران.

کوردستانیان کاتژمێر ١٧:٠٠ لە بەردەم کڵێسای لۆران لەسەر بانگەوازی بزووتنەوەی گەنجانی تێکۆشەر (تەجەشە) و ژنانی گەنجی  تێکۆشەر (تێکۆ ژن) کۆبوونەوە.

چالاکوانان پۆستەری ڕێبەری گەلی کورد عەبدوڵا ئۆجالان و ئاڵاکانی پەکەکەیان هەڵگرت و بۆ ریسواکردنی هێرشە کیمیایی و گازە ژەهراوییەکانی دەوڵەتی تورک جلوبەرگی سپی و دەمامکیان لەبەر کرد.

ئەندامانی تەجەشە و تێکۆ ژن لە وتەکانیاندا رایانگەیاند، دەوڵەتی تورک لە سنوورەکانی خۆی چووەتە دەرەوە و شەڕێکی پیس و قێزەون لە دژی گەلی کورد بەڕێوەدەبات و کۆمەڵکوژکردن و پاکتاوکردن و سڕینەوەى گەلی کوردی کردووەتە ئامانج.

لە وتەکانیاندا ئاماژەیان بە بێدەنگی دەوڵەتانی ئەوروپا و ناتۆش کرد و ڕایانگەیاند، لەبەر ئەوەى هاوبەشن لەو تاوانانەدا، بۆیە بێدەنگن.

هەروەها لەبارەی هەڵوێستی گەنجانی کورد لە بەرامبەر هێرشە پاکتاوکاری و داگیرکارییەکانی دەوڵەتی تورک ڕاشیانگەیاند: "لە بەرامبەر ئەو هێرشانەدا پێش هەموو شتێک گەنجانی کورد، ئێمەی کوردستانیان بە بەرخۆدانی تەواو و هەمەلایەن، ئازادی ڕێبەرایەتیمان مسۆگەر دەکەین و پشتیوانی لە بەرخودانی گەریلا دەکەین و رووی پاکتاوکاری دەوڵەتى تورک ریسوا دەکەین".

دوای وتەکان چالاکوانان بڵاوکراوەیان بەسەر هاوڵاتیانی دەوروبەری شوێنی چالاکییەکەدا دابەشکرد و سەبارەت بە بەکارهێنانی چەکی کیمیایی و گۆشەگیری زانیاری لە بڵاوکراوەکاندا خرابوویەوە ڕوو.

چالاکییەکە دوای خوێندنەوەی راگەیاندراوێک بە زمانی فەرەنسی، بە وتنەوەی دروشم کۆتایی پێهات.

ژ.ت