ئەمڕۆ لە پاریسی پایتەختی فەڕەنسا ٤مین فیستیڤاڵی ژنانی فیدان دۆغان (رۆژبین) ئەنجامدرا.

فەستیڤاڵەکە بە دروشمی 'لەبەرانبەر قرکردنی ژنان کات کاتی پاراستنی ژنانی ئازاد و کۆمەڵگای ئازادە' لە گۆڕەپانی پارس ئینتەردیپارتمەنتوەڵ لە هەرێمی ڤال دی مارنی پاریس ئەنجامدرا.

فەستیڤاڵەکەی ئەمساڵ پێشکەش بە لەیلا ئاگری (فیلیز ئاسلان) ئەندامی دەستەی بەڕێوەبەری کەژەکە کرا و کە مانگی حوزەیرانی ٢٠٢٠ لە هەرێمەکانی پاراستنی میدیا لە هێرشێکی ئاسمانیدا شەهیکرا.

 لۆریەنس کۆهن سیناتۆری ڤال دی مارنی رایگەیاند، ئەوان هەموو کاتێک لەگەڵ کورداندان و وتی، پێویستە عەبدوڵلا ئۆجالان رێبەری گەلی کورد و زیندانیانی سیاسی ئازاد بکرێن.

لە فیستیڤاڵەکەدا بڵاوکراوەی تەژەکە – ئە خوێندرایەوە و چالاکی لە دژی سیستمی باوکسالاری و قڕکردنی ژنان لە رۆژهەڵاتی ناوەڕاست و سیستمی داگیرکەری تورک بەڕێوەبرا.

لە چالاکیەکەدا ستاندی ئاگادارکردنەوە لەبارەی تێکۆشانی ژنانی کورد کرایەوە بۆ منداڵان گۆڕەپانی یاری دروست کرا.

لە فیستیڤاڵەکەدا یەڵدا عەباسی، نوئارین، مەرال ئالکان، گروپی هەڵپەڕکێی تامیلەکان و کەوانەی زێڕین هونەر و گۆرانیەکانیان پێشکەش کرد.

ف.ق