لە شاری لینزی نەمسا پرسە و سەرەخۆشی بۆ فەرهاد شبلی جێگری هاوسەرۆکایەتیی ئەنجومەنی بەڕێوەبەریی خۆبەڕێوەبەریی باکوور و رۆژهەڵاتی سوریا دانرا، کە لە هێرشی دەوڵەتی تورکی داگیرکەر لە ناوچەی کەلاری پارێزگای سلێمانی شەهید بوو.

 وڵاتپارێزان و ئازادیخوازان لە سەرتاسەری نەمساوە ڕۆیشتبوون بۆ بەشداریکردن لە پرسە و سەرەخۆشییەکەدا. نوێنەرانی بزووتنەوەی گەنجانی شۆڕشگێڕ، کۆنگرەی ستار، ئەنجومەنی سوریای دیموکراتیک (مەسەدە) و بزووتنەوەی شۆڕشی یەکگرتووی گەلانیش بەشداری سەرەخۆشییەکە بوون.

لە دوای ڕێزگرتن لە یادی شەهیدان، سیاسەتمەدار هۆزان بۆتان لە مەراسمیەکەدا وتی: "ئێمە ساڵەهای ساڵە شانبەشانی یەک و بە پشتیوانیی یەکتر لە گارە، زیندانەکان، وەرخەل و کۆبانێ تێکۆشاوین شەڕمان کردووە. ئێمە لەسەر ڕێگەی بەرخۆدانی ١٤ی تەموزەوە بەڵێن دەدەین، ڕۆحی یەکڕیزی و یەکێتی و ئازادی لە ئەوروپاش بونیاد بنێین.

ئێمە جارێکیتر و دووبارە بەڵێن بە شەهید فەرهاد و ٤١ هەزار شەهیدمان دەدەین، کە ئێمە فاشیزم و سەلەفیەت تێکدەشکێنین، کۆتایی بەو خیانەتە دەهێنین، کە لە کوردان دەکرێت، بە دڵنیاییەوە ئەو لاوازانە تێکدەشکێن و هێڵی ڕێبەر ئاپۆ و شەهیدان سەردەکەوێت. بۆ ئەمەش لە کەسایەتیی دایکی شەهید فەرهاددا بەڵێن دەدەین، کە ئازادی بۆ دایکی شەهیدان و مرۆڤایەتی بەدی بهێنین".

دوای پێشکەشکردنی وتارەکان، بەشداربوان سەرەخۆشیان لە خوشکی شەهید فەرهاد شبلی و خزمان و کەسوکاری شەهید فەرهاد کرد.

ژ.ت