لە سویسرا یادی ئیڤانا هۆفمان کرایەوە
لە سویسرا یادی ئیڤانا هۆڤمان شەڕڤانی ئینتەرناسیۆنالیستی مەلەکەپە کرایەوە کە لە رۆژئاوا لە شەڕی دژی داعشدا شەهید بوو.
لە سویسرا بۆ ئیڤانا هۆڤمان شەڕڤانی ئینتەرناسیۆنالیستی مەلەکەپە چالاکی ئەنجامدرا کە ٧ی ئازاری ٢٠١٥ لە رۆژئاوای کوردستان شەهید ببوو.
گروپە جیاوازەکانی ئینتەرناسیۆنالیستەکان لە چیای ژوورا بانکارتی ' ئیڤانا هۆفمان لە دڵ و تێکۆشانی ئێمەدایە' بە تاوگەیەکەوە هەڵواسی.
لەم بارەیەوە ئینتەرناسیۆنالیستەکان راگەیەندراوێکیان بڵاوکردەوە و ئاماژەیان بەوەکرد کە ئیڤانا هۆفمان شۆڕشگێرێکی گەنجی رۆژهەڵاتی ئەڵمانیا بوو کە بووە سەرچاوەی سوودوەرگرتن بۆ زۆر ئینتەرناسیۆنالیستی دیکە کە بچنە رۆژئاوا.
لە راگەیەندراوەکەدا هاتووە، " ئیڤانا سمبوڵی پشتگیری ئینتەرناسیۆنالیستە. بە ئاگری ئەم بەرخۆدانە. یادی دەکەینەوە. بە تێکۆشانمان هزر و تێکۆشانی ئیڤانا لە جیهاندا بڵادەکەینەوە."
ف.ق
