ڕێکخستنەکانی هەدەپەی ئامەد ، لە ١٤٦هەمین ڕۆژی بەرخۆدانی مانگرتن لەخواردنی گیراوانی سیاسی لە دژی گۆشەگیری لە بەردەم پەیکەرەی مافی مرۆڤ لە پارکی کۆشوویۆلووی ناوچەی باگرەری ئامەد ویستیان ڕاگەیەنراوێک بدەن بۆ چاپەمەنییەکان.  

هاوسەرۆکان و بەڕێوەبەرانی هەدەپە و دەبەپەی ئامەد ، چالاکانی تەڤگەری ژنانی ئازاد- تەژا، کۆمەڵەی هاوکاری بە بنەماڵەی گیراوان و گەلێک هاوڵاتی ناوچەکە لە کاتی راگەیەنراوەکەدا ئامادە بوون.

پێش ڕاگەیەنراوەکە پۆلیس ناوچەکەی گەمارۆدا و ڕێگە بە هاتنی هاووڵاتیان نەدرا. پۆلیسی تورک بە بیانووی ئەوەی کە ڕاگەیەنراوەکە دەربارەی " گۆشەگیری و مانگرتنە " ڕێگەیان نەدا.

جەماوەریش بە هەلهەلە و درووشمی " بژی بەرخۆدانی زیندانان" ناڕەزایەتییان نیشاندا و بۆ ئیدانەکردنی گۆشەگیری سەر رێبەری گەلی کورد عەبدوڵا ئۆجالان و پشتگیری لە بەرخۆدانی گیراوان دەستیان بە چالاکی دانیشتن کرد.

ک-ش