لە چوارچێوەی هەڵمەتی داوای ئازادی بۆ عەبدوڵا ئۆجالان رێبەری گەلی کورد، کە لە ١ی تشرینی دووەمدا دەستیپێکردووە لە زۆرێک لە شارەکانی ئەوروپا چالاکی هەڵواسینی پۆستەر و لافیتە بەڕێوەچوو.
چالاکوانانی بزووتنەوەى گەنجانی شۆڕشگێڕ لە شاری دویسبورگی ئەڵمانیا بۆ سەرنجڕاکێشانە سەر گۆشەگیریی سەر عەبدوڵا ئۆجالان رێبەری گەلی کورد و بە مەبەستی داوای ئازادکردنیان، لە زۆرێک لە شوێنە گشتییەکانی ئەو شارەدا پۆستەر و لافیتەیان هەڵواسی.
لە شاری بۆردیوکسی فەرەنساش بزووتنەوەى ژنانی کورد بۆ هەمان مەبەست لە بەردەم وێستگەى ترێن چالاکییان ئەنجامدا. لە چالاکییەکەدا ئەو پۆستەر و لافیتانەیان هەڵواسی کە سەری نووسرابوو "ئازادی بۆ ئۆجالان" و لەو چوارچێوەیەشدا چەندین دروشمیان وتەوە.
لە ناوچەى لیبۆرنی سەر بە بۆردیوکس خەباتکارانی ئەنجومەنی ناوەندی کۆمەڵگەى دیموکراتیکی کورد چالاکیی هەڵواسینی پۆستەر و لافیتەیان بەڕێوەبرد.
ژ.ت
