لەدژی هێرشی کیمیایی لە قوبڕس کەمپەینی ئیمزاکۆکردنەوە دەستپێکرا
بە ئامانجی شەرمەزارکردنی هێرشەکانی دەوڵەتی تورک بە چەکی کیمیایی، لە شاری لیماسۆلی قوبڕس چالاکیەک ئەنجامدرا.
لە لیماسۆل لەدژی بەکارهێنانی چەکی کیمیایی و هێرشی داگیرکەری دەوڵەتی تورک کەمپەینی کۆکردنەوەی ئیمزا دەستپێکرا.
کەمپەینی ئیمزاکۆکردنەوە بە پێشەنگایەتی دەستپێشخەری ژنانی کورد بە پارکی مۆلۆنز دەستپێکرا.
چالاکیەکە کە لە سەرلەبەیانیەوە دەستپێکرا رووبەرووی پشتگیریەکی گەورەی خەڵکی قوبڕس و گەشتیاران بووەوە و بە سەدان ئیمزا کۆکرانەوە.
چالاکی تا درەنگانی شەو بەردەوام دەبێت. ئامانجی کەمپەینەکە کۆکردنەوەی هەزاران ئیمزایە.
ف.ق
