جەنگاوەرانی بزووتنه‌وه‌ی شۆڕشگێڕی یه‌كگرتووی گەلان (هەبەدەهە) رایگەیاند، لە ساڵی ٢٠٢٠دا ٦٣ چالاکییان ئەنجامداوە. راشیگەیاند، لە ساڵی ٢٠٢١دا و لە چوارچێوەی هەڵمەتی شۆڕشگێڕیی "فاشیزم هەڵدەوەشێنین، ئازادی بەدی دێنین" بەردەوام دەبن لە چالاکییەکانیان.
جەنگاوەرانی بزووتنه‌وه‌ی شۆڕشگێڕی یه‌كگرتووی گەلان (هەبەدەهە - HBDH) ئاماری چالاکییەکانی ساڵی ٢٠٢٠ی بڵاوکردەوە.
هەبەدەهە رایگەیاند، لە چوارچێوەی هەڵمەتی شۆڕشگێڕیی "فاشیزم هەڵدەوەشێنین، ئازادی بەدی دێنین" لە دژی فاشیزمی ئاکەپە – مەهەپە چالاکییان ئەنجامداوە و لەو شوێنانەدا چالاکییەکانیان ئەنجامداوە و تێکیان شکاندون، کە فاشیستەکان زۆر بە پارێزراویان دەزانین.
ئاماژە بەوەشکراوە، "چالاکییەکانمان لە ساڵی ٢٠٢٠دا هەواڵی چالاکیمان لە ساڵی ٢٠٢١دا پێدەدەن" و راشیانگەیاند، ساڵی ٢٠٢١ لە چوارچێوەی هەڵمەتی شۆڕشگێڕیی "فاشیزم هەڵدەوەشێنین، ئازادی بەدی دێنین" چالاکیی کاریگەرتر ئەنجام دەدەن و لێپرسینەوە لە داگیرکەران، فاشیستەکان، بکوژانی ژنان و کاپیتالیزمی پیاوسالار دەکەن.
ژ.ت
