لقی ئەستەنبوڵی کۆمەڵەی مافەکانی مرۆڤ لەبارەی رۆژی رۆژنامەنووسە چالاکەکان راگەیەنراوێکی بڵاوکردەوە.

بەپێی راگەیەنراوەکە، تورکیا لەناو ١٨٠ وەڵات لە رووی ئازادی راگەیاندندا لە ریزی ١٥٤میندایە  و نزیکەی ٦٧ رۆژنامەنووس بەهۆی کارەکانیانەوە لە زینداندان.

لە راگەیەنراوەکەدا ئاماژە بەوەکرا، بەپێی ئاماری ساڵی رابردوی وەزارەتی خانەوادە و خزمەتی کۆمەڵایەتی، ٨٦ هەزار و ٥٠٥ کەس کاری راگەیاندن لە تورکیا دەکەن، بەڵام ٧.٨٧٪ لەو کەسانە ئەندامی سەندیکاکانن.

لە راگەیەنراوەکەدا باسی ئەوەشکرا، ٩٦٪ی چاپەمەنی چالاک و ئۆرگانی میدیا لەژێر کۆنتڕۆڵی دەسەڵاتدایە و دوای ئەوەی یاساکان گۆڕان، فشاری سەر میدیاکان زیادی کردوە.

ئیهادە لەم چوارچێوەیەدا موسا ئانتەر، فەرهاد تەپە، ئوغور مومجو، مەتین گۆکتەپە، هەرانت دینک و هەموو ئەو رۆژنامەنووسانەی بەبیرهێنایەوە کە شەهیدکراون.

ف.ق